15x Scope ကို PUBG Mobile မှာ တွေ့မြင်ရတော့မှာလား
PUBG Mobile ကတော့ သူတို့ရဲ့ အကြီးမားဆုံး Update ဖြစ်တဲ့ Update 1.0 ကို ထုတ်လုပ်ပေးဖို့အတွက် တာဆူနေပါပြီ။ ဒီ Update မှာ Erangel 2.0 Map အပြင်၊ UI နဲ့ UX တွေအားလုံးပါပြောင်းလဲပေးသွားမှာလည်းဖြစ်တယ်လို့ သိရှိထားရပါတယ်။ ဒါတင်ပဲလားဆိုတော့ 15x Scope လို့ယူဆရတဲ့ Graphics အသစ်တစ်ခုလည်း ထွက်ရှိလို့လာပြန်ပါပြီ။
PUBG အတွက် Update အသစ်ကို Teaser အနေနဲ့ပြသထားတဲ့ Video တစ်ခုမှာ 15x Scope ပုံစံကို စတင်တွေ့မြင်ခဲ့ရတာဖြစ်ပြီး၊ ဒီ Scope ပုံစံက 8x Scope လုံးဝမဖြစ်နိုင်တာကို အောက်က ပုံမှာယှဥ်ပြထားပါတယ်။
15x Scope ကို PUBG PC Version မှာ စ တင်တွေ့မြင်ခဲ့ရပြီးတော့ Snipers တွေမှာ တပ်ဆင်အသုံးပြုနိုင်တဲ့ Scope အမျိုးအစားလည်းဖြစ်ပါတယ်။ တပ်ဆင်နိုင်တဲ့သေနတ်တွေကတော့ SKS, Kar98k, M24, AWM, Mk14, EBR, Mini 14, SLR နဲ့ QBU တို့ပဲဖြစ်ပါတယ်။
15x Scope သာ PUBG Mobile ကိုရောက်လာခဲ့မယ်ဆိုရင်တော့ Sniper ကြိုက်နှစ်သက်တဲ့သူတွေကတော့ အကြိုက်တွေ့မှာ အသေအချာပါပဲ။ အခုတစ်ခေါက်မှာလည်း Update အတွက် Graphics နဲ့တမင် သတင်းပေါက်ကြားထားတဲ့ပုံစံမျိုးဖြစ်တာကြောင့် သိပ်မကြာခင်မှာ တွေ့မြင်နိုင်ရတော့မယ်လို့လည်း ယူဆရပါတယ်။
