၂၈နှစ်တာ သက်တမ်းရှိ မြေနီကုန်း ကထမင်းပေါင်း

မင်မင် ဒီနေ့မိတ်ဆက်ပေးမှာက မြေနီကုန်းက နာမည်ကြီး ဦးကျော်ထမင်းပေါင်းဆိုင်‌ေလးဘဲဖြစ်ပါတယ်။ ဦးကျော်ထမင်းပေါင်းဆို လူတော်တော်များများကသိပြီးသားဆိုတော့ ထူးပြီးတော့ မိတ်ဆက်ပေးစရာတော့မလိုပါဘူး။

ဒီဆိုင်လေးကဖွင့်ထားတာ နှစ်ပေါင်း၂၈ နှစ်လောက် ရှိပြီပေါ့နော်။ မင်မင်ဆို ငယ်ငယ်လေးကတည်းက မိဘတွေနဲ့စားဖြစ်တယ်။ အသက်ကြီးလာတော့လည်း မြေနီကုန်းရောက်တိုင်း အမြဲလိုလိုစားဖြစ်တယ်။

မင်မင်မှာဖြစ်တာလေးကတော့

ဝက်အခေါက်အသားရောထမင်းပေါင်း- 2000mmk

ထမင်းပေါင်းလေးကတော့ ဝက်သား၊ ကြက်သား၊ အခေါက်ကင်ဆိုပြီးရှိမယ်။ အခေါက်ကင်နဲ့ကတော့ အကောင်းဆုံးဘဲ။ စားလိုက်တိုင်းကြွပ်ကြွပ်ရွရွလေးနဲ့။ ကော်ရည်နဲ့လည်းလိုက်ဖက်တယ်။ မင်မင်တို့သွားစားတုန်းကတော့ ထမင်းပေါင်းလေးကပူမနေဘူးပေါ့နော်။ အရသာလေးကတော့ ပုံမှန်ထမင်းပေါင်းတွေလို အချိုဘက်သိပ်မသွားဘဲ နည်းနည်းလေးချဉ်တာကိုခံစားမိတယ်။ ဂေါ်ဖီချဉ်၊ ငရုတ်သီးချဉ်လေးတွေနဲ့ဆိုတော့ စားရတာ အရသာမြိန်နေတာဘဲ။

ဝက်သားသုပ်-3000mmk

ဝက်သားသုပ်လေးကတော့ ငရုတ်သီးမှုန့်၊ ဂေါ်ဖီ၊ သခွားသီး၊ ရှောက်ရွက်လေးတေဠနဲ့သုပ်ပေးတာ။ စားရတာတော့ အသားအပြင် ဝက်နာရွက်၊ အရိုးနုတို့လည်းပါတယ်။ မင်မင်ကတော့ ငရုတ်သီးမှုန့်နဲ့ သုပ်တာထက် ပဲငပိကော်ရည်လေးနဲ့ သုပ်ပေးနာကိုပိုသဘောကျတယ်။ မင်မင့်လိုဘဲ ပဲငပိရည်လေးနဲ့စားချင်ရင်လည်း ပဲငပိရည်လေးနဲ့သုပ်ပေးဖို့ပြောလို့ရတယ်။

ဦးကျော်ထမင်းပေါင်း · Bagaya Street, San Chaung Tsp, Yangon, Myanmar (Birma)

★★★☆☆ · Restaurant

ဦးကျော်ထမင်းပေါင်း · Bagaya Street, San Chaung Tsp, Yangon, Myanmar (Birma)