၀က်ခြံတွေက မျက်နှာပေါ်ရဲ့ဘယ်နေရာမှာအထွက်များဆုံးလဲ

၀က်ခြံဆိုတာကတော့ လူတိုင်းရဲ့မျက်နှာပေါ်မှာအထွက်များဆုံးပေါ့နော်။ ဒါပေမယ့်တစ်ချို့လူတွေကတော့ ကျောကုန်းပေါ်တွေမှာ၊ လည်ပင်းတွေမှာလည်းပေါက်တတ်ကြပါတယ်။မျက်နှာအနီးတစ်ဝိုက်မှာတော့ အထွက်ဆုံးလို့တော့ပြောလို့ရပါတယ်။မျက်နှာရဲ့ဘယ်နေရာတွေမှာက ဝက်ခြံအများဆုံးထွက်ကြတာလဲလို့ပြောပြပေးချင်ပါတယ်။
နဖူးတစ်ဝိုက်
နဖူးတစ်ဝိုက်ကတော့ ဆယ်ကျော်သက်ဖြစ်တော့မယ့်အချိန်တွေဆိုအထွက်များဆုံးနေရာလို့ပြောလို့ရပါတယ်။ကိုယ့်ကအသက်အရွယ်တစ်ခုရောက်လာပြီဆိုအိပ်ရေးပျက်တာမျိုးတွေ၊ဆံပင်နဖူးပေါ်ချတတ်တဲ့သူတွေ၊Alcohol သောက်များရင်လည်းထွက်တတ်ပါတယ်။

ပါးပြင်
ပါးပြင်နားတစ်ဝိုက်က နေ့စဉ်သုံးနေတဲ့ဖုန်းကနေတစ်ဆင့်ဖုန်တွေကပ်နေတဲ့အတွက် ပါးပြင်တွေမှာပေါက်လေ့ရှိပါတယ်။ကိုယ့်ရဲ့ ခေါင်းအုံးစွပ်၊ Make Up Brush တွေကလည်းညစ်ပတ်နေတာမျိုးဆို ဒီအရာတွေကကိုယ့်ရဲ့မျက်နှာနဲ့တိုက်ရိုက်ထိတွေ့နေတတ်တာမို့ ဝက်ခြံထွက်လေ့ရှိပါတယ်။

နှုတ်ခမ်း
နှုတ်ခမ်းတို့၊ပါးစပ်တို့ကတော့ အပူအစပ်စားများတဲ့သူတွေအထွက်များဆုံးနေရာပါ။ဝမ်းချုပ်ချင်တာမျိုးတို့ နှုတ်ခမ်းနီတွေကို Date လွန်တဲ့အထိဆိုးနေတာမျိုးတို့ဆိုရင်လည်းနှုတ်ခမ်းတို့၊ပါးစပ်တို့မှာဝက်ခြံလေးတွေထွက်လေ့ရှိပါတယ်နော်။

Photo Credit -pet.com

Kelly - Akhayar Lifestyle