AI ဖွံ့ဖြိုးရေးအတွက် Google ဝန်ထမ်း ၂၀၀ ကျော် အလုပ်မဲ့ဖြစ်ဦးမယ်
ထိပ်တန်းနည်းပညာကုမ္ပဏီကြီးတွေ အလုပ်သမားလျှော့ချရေးတွေ လုပ်ကြပြီဆို။ ဘာကြောင့်လဲ သိပ်တွေးစရာတော့မလိုဘူး။ AI ကြောင့်ပဲ အဓိကဖြစ်နေပြီး။ အဲ့လို AI ဖွံ့ဖြိုးတိုးတက်ရေးကို ဦးစားပေးပြီး အလုပ်သမားလျှော့ချရေးတွေလုပ်လာတဲ့ ကုမ္ပဏီတွေထဲမှာ Google က ထိပ်ဆုံးကလို့တောင် ပြောလို့ရနေပြီ။
2023 ခုနှစ်တုန်းက အလုပ်သမား 12,000 ကျော် အလုပ်ဖြုတ်ခဲ့ပြီးနောက်ပိုင်း ခဏခဏဆိုသလို အလုပ်သမားလျှော့ချရေးတွေ လုပ်ဆောင်လာတာပါ။ အခုဆို တစ်လထဲမှာတင် ဒုတိယအကြိမ်မြောက် အလုပ်သမားလျှော့ချမှုလို့ ဆိုထားကြပါတယ်။
ဒီတစ်ခါတော့ တစ်ကမ္ဘာလုံးမှာရှိတဲ့ Google ရုံးခွဲတွေရဲ့ အရေးမကြီးတဲ့ဌာနတွေက အလုပ်သမား ၂၀၀ ကျော် လျှော့ချသွားမှာပါ။ အရင်လတွေတုန်းကတော့ Android, Chrome, Pixel တို့ရဲ့ ဌာနတွေက အလုပ်သမားအချို့ကို ဖြုတ်ချခဲ့တာပါ။
Google ဟာ AI ဖွံ့ဖြိုးတိုးတက်မှုအတွက် ဒေတာစင်တာတွေဆောက်လုပ်ရေးတွေမှာ အားစိုက်လာတာဖြစ်ပြီး အရေးမကြီးတဲ့ဌာနတွေမှာ ရင်းနှီးမြုပ်နှံမှုတွေ လျှော့ချလာတာပဲဖြစ်ပါတယ်။ Google အနေနဲ့ ဖောက်သည်ဝန်ဆောင်မှုတွေကို မြန်ဆန်စေဖို့နဲ့ ပိုမိုကောင်းမွန်တဲ့ ပူးပေါင်းဆောင်ရွက်မှုတွေအတွက် အနည်းငယ်ပြုပြင်ပြောင်းလဲမှုတွေ လုပ်နေတာဖြစ်တယ်လို့ Reuters သတင်းဌာနက ဖော်ပြထားပါတယ်။
ဒီလို အလုပ်သမားလျှော့ချမှုတွေဖြစ်လာတဲ့ အဓိကအကြောင်းအရင်းကတော့ AI တိုးတက်ဖွံ့ဖြိုူမှုနဲ့ AI အစားထိုးဆောင်ရွက်မှုတွေကြောင့်ပါ။ နောက်ပြီး အလုပ်သမားလျှော့ချနေတာကတော့ Google တစ်ခုတည်းမဟုတ်ပါဘူး... Meta, Microsoft, Amazon နဲ့ အခြားထိပ်တန်းနည်းပညာကုမ္ပဏီတော်တော်များများလည်း အပါအဝင်ဖြစ်ပါတယ်။