မန္တလေး အစားအစာတော်တော်များရတဲ့ မြီးရှည်ဆိုင်
မနက်ဖြန် အားလပ်ရက် Sunday ဆိုတော့ မနက်စာ ကောင်းကောင်းလည်းစားချင်တယ် !
ဆိုင်အပြင်အဆင်နဲ့ အစားအသောက်ကလည်းသန့်ရှင်း သပ်ရပ်နေရမယ် !
ဒါဆိုအခုမင်မင်ပြောပြမယ့်ဆိုင်လေးက လုံးဝရွေးချယ်သင့်တဲ့ဆိုင်တစ်ဆိုင်ပါ။
ဆိုင်လေးက မန္တလေးအစားအစာတော်တော်များရတဲ့ “လင်းသစ် မန္တလေးမြီးရှည်”ဆိုင်ပါ။
မန္တလေးအစားအစာမှာဆို မပါမဖြစ်နဲ့ ဆိုင်ရဲ့ main menu က “မန္တလေးမြီးရှည်”။
မန္တလေးမြီးရှည်(ပွဲသေး)- 3500MMK
-မန္တလေးမြီးရှည်ဆို ဝက်ကလီစာအစုံလေးနဲ့မှပြီး
ပြည့်စုံတာကိုးး ကလီစာဆိုလည်းလုပ်ထားတာ အရမ်းသန့်တယ်နော် ။
ကလီစာမစားဘူးဆိုဝက်သားနဲ့လည်းရတယ်။
-ဝက်ခေါက်ကြော်သေးသေးလေးတွေလည်းပါတယ် အဲ့ဝက်ခေါက်လေးစားရတဲ့အရသာကဘာနဲ့မှမတူဘူးတော်တော်ကြိုက်တယ်။
-သူ့အရသာက လေးလည်းမလေးဘူးအနေတော်ပဲ၊ နောက်တစ်ခုကဟင်းချို ၊ဟင်းချိုဆိုလည်းအကြော်လေးပါညှပ်ပြီးထည့်ပေးထားတာ ၊မြီးရှည်စားလို့နည်းနည်းအီလာရင် ဟင်းချိုလေးလောက်လိုက်နဲ့လိုက်ဖက်နေရော။
ဖက်ထုပ်ကြော်(ဝက်) -4500MMK
-ချက်ချင်းကြော်ပေးတာမို့ပူပူ မွှေးမွှေးလေးစားရပါတယ်။
-ဝက်သား၊ ပုစွန်နဲ့ ကျူ့ဆိုင်လေးကိုရောကြော်ထားတော့စားရတာအိပြီးမွှေးနေရော၊
-ဖက်ထုပ်ဆိုဂျင်းချဉ်လေးနဲ့မှ ၊ဒီတိုင်းဆိုဂျင်းကြိုက်တဲ့ထဲမပါဘူး။
-ဖက်ထုပ်ကြော်နဲ့ဆိုရင်တော့ဂျင်းလေးနဲ့မှလိုက်
ဖက်ပြီးအရသာရှိတာ။
-မင်မင့်အထင်တော့စျေးများပေမယ့်အရသာကောင်းလို့တန်ပါတယ်။
နန်းပြားသုပ်- 2500MMK
-သူ့အရသာကတော့အရမ်းမထူးခြားပါဘူး ။ခေါက်ဆွဲသားကောင်းပြီး ၊ပဲမှုန့်စီးစီးလေးနဲ့စားကောင်းပါတယ်။
အုန်းနို့ခေါက်ဆွဲ- 2000MMK
-အုန်းနို့ခေါက်ဆွဲဆို အုန်းနို့အနံ့သင်းသင်းလေးကိုကြိုက်တာမို့ သူနဲ့ကတော့လုံးဝကွက်တိပဲ၊အရည်ကလည်း ပျစ်ပျစ်နှစ်နှစ်လေးနဲ့ကောင်းတယ်။
နောက်ပြီး မန္တလေးအစားအစာ တော်တော်များများရတဲ့အပြင် ထမင်းကြော်နဲ့ဟင်းအစုံလည်းရတယ်။
ဆိုင်ကိုကြိုက်တဲ့ပထမအချက်က သန့်ရှင်းသပ်ရပ်မှုရယ် ၊ ပြီးတော့အရသာပါ။ မန္တလေးအစားအသောက် နှစ်သက်တယ်ဆို စားကြည့်သင့်တဲ့ဆိုင်လေးပေါ့
