အလကားရတဲ့(လေ)ကနေ ဓါတ်ဆီထုတ်နိုင်ပြီတဲ့
နယူးယောက်မြို့မှာရှိတဲ့ Aircela ဆိုတဲ့အဖွဲ့အစည်းက (လေ)ထဲကနေ သန့်ရှင်းတဲ့ ဓာတ်ဆီအဖြစ်ဖန်တီးနိုင်တဲ့ ရေခဲသေတ္တာအရွယ်အစားစက်တစ်လုံးကို တီထွင်လိုက်ပါတယ်။အဲ့ဒီ့စက်က လေမှကာဗွန်ကိုဖမ်းယူတဲ့နည်းပညာ (Direct Air Capture) နဲ့ ပြန်လည်အသုံးပြုနိုင်တဲ့ လျှပ်စစ်စွမ်းအင်ကိုအသုံးပြုပြီးမော်တော်ယာဉ်တွေအတွက် အသင့်အသုံးပြုနိုင်တဲ့ဓာတ်ဆီကိုထုတ်လုပ်ပေးနိုင်ပါတယ်။
အထူးသဖြင့် ယခုတလော အသုံးပြုနေတဲ့ကားတွေနဲ့ အခြားလောင်စာစနစ်တွေမှာအသုံးပြုရန် မည်သည့်အရာမှပြန်ပြင်ဆင်စရာမလိုဘဲ တန်းသုံးနိုင်တယ်လို့သိရပါတယ်။
Aircela ရဲ့စက်က ရိုးရာ ဓာတ်ဆီစက်ရုံကြီးတွေလို မဟုတ်ဘဲ အရွယ်အသေးတဲ့ဒီဇိုင်းနဲ့ မည်သည့်နေရာမဆို တိုက်ရိုက်ဓာတ်ဆီထုတ်လုပ်နိုင်အောင်တီထွင်ထားပါတယ်။ဒီစက်ကထုတ်ပေးတဲ့ ဓာတ်ဆီမှာ ဆာဖာနဲ့ အီသနောလ်မပါဘဲ ယခုအသုံးပြုနေတဲ့မော်တော်ယာဉ်များနဲ့ တော်တော်ကိုက်ညီတယ်လို့လဲဆိုထားပါတယ်။
Aircela ကို Maersk Growth နဲ့ Ripple ရဲ့ Chris Larsen တို့က ရင်းနှီးမြှုပ်နှံထားပြီး ပထမဆုံး စက်တွေကို ၂၀၂၅ ခုနှစ်လယ်လောက်မှာ စတင်မိတ်ဆက်ဖို့ စီစဉ်ထားပါတယ်။ ဒီစက်တွေကို လျှပ်စစ်မရရှိတဲ့နေရာ၊စက်မှုလုပ်ငန်းနှင့်စီးပွားရေးလုပ်ငန်းတွေမှာ သန့်ရှင်းတဲ့ ဓာတ်ဆီအလွယ်တကူ ရရှိနိုင်အောင်အတွက် ရည်ရွယ်ထုတ်လုပ်တာဖြစ်ပါသည်။
