App ထက်ဝက်နီးပါး ဖြုတ်ချခဲ့တဲ့ Google Play Store

Google Play Store မှာ အရင်ရှိခဲ့တဲ့ App ပေါင်း 3.4 သန်းရှိခဲ့ရာကနေ 1.8 သန့်နီးပါး လျော့ကျသွားတယ်လို့ Appfigures analyst က ဆိုထားတာပါ။ ဒါက ဒီနှစ်စပိုင်းက နောက်ဆုံးတွက်ချက်မှုပါ။ လျော့ကျသွားတာမဟုတ်ပဲ Google ဘက်ကနေ လျှော့ချလိုက်တာလို့ ပြောရင် ပိုမှန်ပါလိမ့်မယ်။ 

အဓိကအကြောင်းအရင်းကတော့ အရည်အသွေးမြင့်ပြီး Privacy ပိုင်း စိတ်ချရတဲ့ App တွေကို ဦးစားပေးသွားမှာကြောင့်လို့ ဆိုထားပါတယ်။ အရင်နှစ်တွေအတွင်းမှာ တွေ့ခဲ့ရတဲ့ အရည်အသွေးနိမ့်တဲ့ App တွေနဲ့ အန္တရာယ်အချို့ရှိတဲ့ App တွေကြောင့် 2023 ကနေ စပြီး ကုမ္ပဏီကနေ စမ်းသပ်မှုတွေ ပိုတိုးလုပ်ဆောင်ခဲ့ကြပြီး App အချို့ကို ရှင်းပစ်ခဲ့ကြပါတယ်။

 ပြီးခဲ့တဲ့ ဇန်နဝါရီမှာတော့ Google ဘက်က ချမှတ်ထားတဲ့ App ပေါင်း 2.3 သန်းကို တားမြစ်ခဲ့တယ်လို့ ကြေညာခဲ့ပါတယ်။ ဒေတာအရတော့ ဖယ်ရှားလိုက်တဲ့ App တွေထဲမှာ အများဆုံးကတော့ ဂိမ်းတွေပါ။ Game အမျိုးအစားပေါင်း ၂ သိန်းခန့်ရှိတယ်လို့ ဖော်ပြထားပါတယ်။ ဒုတိယအများဆုံးကတော့ ပညာရေးနဲ့ပတ်သက်တဲ့ App တွေလို့ ဆိုပါတယ်။ 

Google အနေနဲ့ Play Store ကို user တွေ ယုံကြည်စိတ်ချရတဲ့ နေရာဖြစ်ဖို့ရယ် Developer တွေအတွက် လုပ်ငန်းတိုးတက်မှုတွေ လုပ်ဆောင်နိုင်ဖို့ရယ်ကို နှစ်တိုင်းကြိုးပမ်းနေတယ်လို့ ဆိုပါတယ်။ Play Store မှာ App တွေ လျော့ကျမှုတွေရှိနေပေမဲ့ တစ်ဖက်မှာတော့ Apple ရဲ့ App store မှာတော့ App အရေအတွက်က သိသိသာသာမြင့်တက်လာမှုတွေရှိတယ်လို့ Appfigures ကပဲ ထပ်မံဖော်ပြထားပါသေးတယ်။