Battery 7000mAh ကြောင့် ကမ္ဘာ့ဂင်းနစ်စံချိန်တင်ခဲ့တဲ့ realme GT 7

Battery 7000mAh ကြောင့်ဆိုတာထက် အဓိကအကြောင်းအရင်းက realme GT 7 က 24 နာရီလုံး ရုပ်ရှင်ဆက်တိုက်ကြည့်နိုင်အောင် အားခံတာကြောင့်လို့ဆိုရင် ပိုမှန်ပါလိမ့်မယ်။ စမတ်ဖုန်းဖြင့် ရုပ်ရှင်ကြည့်ချိန်အကြာဆုံး ဆိုတဲ့ Guinness World Record ရရှိခဲ့တာပဲဖြစ်ပါတယ်။ 

မကြာသေးခင်ကျင်းပခဲ့တဲ့ realme ရဲ့ “Endless Power Journey” ဆိုတဲ့  European cruise-based ပရိုမိုးရှင်းအစီအစဉ်မှာ realme GT7 နဲ့အတူ Livestream စလုပ်ခဲ့တာပါ။ 2025 မေ 22 ရက်ည 9:30 (IST) မှာ စလုပ်ခဲ့တာဖြစ်ပြီး 24 နာရီကြာတဲ့အချိန်မှာတော့ အပြီးသတ်ခဲ့ပြီး စံချိန်တင်ခြင်းအောင်မြင်ခဲ့တာပါ။ အဲ့ဒီနောက် မေလ 23 မှာတော့ Guinness ကိုယ်စားလှယ်တစ်ဦးက Guinness World Record အဖြစ် တရားဝင်အတည်ပြုပေးခဲ့တာပဲဖြစ်ပါတယ်။ 

Realme ဘက်ကတော့ ဒီစံချိန်ဟာ GT7 မှာ ပါဝင်တဲ့ Battery 7000mAh နဲ့ 120W Fast Charge ကြောင့်လို့ ဆိုထားပြီး GT7 မှာ သုံးခဲ့တဲ့ ဘတ်ထရီဟာဆိုရင်လည်း TUV Rheinland မှ 5star Battery အဖြစ် လတ်မှတ်ရရှိခဲ့တာကိုလည်း ဖော်ပြခဲ့ပါသေးတယ်။ 

နိုင်ငံတကာကို ဖြန့်ချိီမယ့် Realme GT 7 ကိုတော့ MediaTek Dimensity 9400e ကို အသုံးပြုထားပြီး Battery 7000mAh နဲ့ 120W Fast Charge တို့ပါဝင်ပါတယ်။ တရုတ်မှာ မိတ်ဆက်ခဲ့တဲ့ GT 7 မှာတော့ MediaTek Dimensity 9400+ ကို အသုံးပြုထားပြီး Battery 7200mAh ပါဝင်ပါတယ်။