ဘာမှမပါလာတဲ့ ဒေါ်လာ ၂ သောင်းတန် လျှပ်စစ်ကား

ဒီလျှပ်စစ်ကားမှာက အပေါ်မှာပြောသလိုပဲ ကားဘော်ဒီကို ဆေးမမှုတ်ထားဘူး၊ ကားအတွင်းပိုင်းမှာလည်း Touchscreen တို့ Power Windows တို့မပါဘူး၊  စပီကာမပါဘူး၊ ရေဒီယို ကက်ဆက်တွေမပါပါဘူး။ အမေရိကန်ရဲ့ အသက်သာဆုံး လျှပ်စစ်ကားအဖြစ် ရောင်းချသွားမှာဖြစ်ပြီး ဒီလျှပ်စစ်ကားရဲ့မူရင်းဈေးက ဒေါ်လာ 27,500 ဈေးနှုန်းရှိပါတယ်။ 

ဒီလျှပ်စစ်ကားက Amazon CEO Jeff Bezos ရဲ့ ကားကုမ္ပဏီလို့လည်း ဖော်ပြထားတယ်။ ကုမ္ပဏီနာမည်က Slate Auto ဖြစ်ပြီး ဒီလျှပ်စစ်ကားက ကုမ္ပဏီရဲ့ ပထမဆုံးကားပါ။ Slate Truck လို့ နာမည်ပေးထားတယ်။ နောက်ပြီး အင်တာနက်ပေါ်မှာတော့ Tesla ကို ပြိုင်ဖို့အတွက် ထုတ်ထားတာလို့လည်း ဆိုထားကြတယ်။ 

ဒီကားက ဘာမှမပါဘူးဆိုတာထက် Customize စိတ်ကြိုက်လုပ်ဖို့အတွက် ထုတ်ထားတယ်လို့ပဲ ဆိုရမယ့်ပုံပါ။ သူက Pickup ပုံစံကနေ SUV ပုံစံကို အလွယ်တူပြောင်းနိုင်အောင် ဖန်တီးထားတယ်လို့ ဆိုတယ်။ တစ်ခုရှိတာက ပြောင်းချင်ရင်တော့ အပိုပစ္စည်းတွေ ထပ်ဝယ်ရမှာပါ။ ဒါကြောင့်လည်း ဈေးသက်သာတာလားတော့မသိ။ မြို့တွင်းပဲ မောင်းဖို့ အဆင်ပြေတယ်။ မိုင် 150 ဝန်းကျင်လောက်အထိသွားနိုင်တယ်။ 

မူရင်းဈေးက ဒေါ်လာ 27,500 ဆိုပေမဲ့ လောလောဆယ်တော့ US ကနေ လျှပ်စစ်ကားတွေအတွက် အခွန်လျော့ချမှုကြောင့် ဒေါ်လာ ၂ သောင်းနဲ့ ဝယ်ယူနိုင်မှာပါ။ လက်ရှိတော့ တော်တော်လေး စိတ်ဝင်စားမှုမြင့်တက်နေတယ်လို့ ဆိုရမှာပါ။ ဘာလို့ဆို Tesla၊ Ford၊ Rivian တို့ထက် ဈေးနှုန်းက ၃ဆ ၄ဆ နီးပါး သက်သာလို့ပါပဲ။