နယူးကာဆယ်အသင်းဟာ အသင်းရဲ့ဘရာဇီးလ်ကွင်းလယ်လူ ဂွီမာရေ့စ်ဂိုးသွင်းရင် ကံကောင်းတတ်တဲ့အသင်းလို့ သတ်မှတ်ရမှာဖြစ်ပါတယ်။

ဘာကြောင့်လဲဆိုတော့ သူဂိုးသွင်းတဲ့ ပရီးမီးယားလိဂ်ပွဲအားလုံးနီးပါးမှာ အသင်းက နိုင်ပွဲရခဲ့တာကြောင့်ပါ။

မနေ့က ကစားခဲ့တဲ့ ဝက်စ်ဟမ်း(၀-၁)နယူးကာဆယ်ပွဲမှာ ဂွီမာရေ့စ်ဟာ နယူးကာဆယ်အသင်းအတွက် ပွဲချိန်(၆၃)မိနစ်မှာ တစ်လုံးတည်းသောအနိုင်ဂိုးကို သွင်းယူပေးခဲ့ပါတယ်။

၂၀၂၁-၂၂ ရာသီက နယူးကာဆယ်အသင်းမှာတဲ့ ဂွီမာရေ့စ်ဟာ အသင်းအတွက် ပရီးမီးယားလိဂ်(၁၁၃)ပွဲကစားထားရာမှာ (၁၆)ပွဲမှာ ဂိုးသွင်းခဲ့ပြီး ဒီအထဲက (၁၅)ပွဲမှာ နယူးကာဆယ်အသင်းက နိုင်ပွဲရခဲ့တာဖြစ်ပါတယ်။

ဂွီမာရေ့စ်ဂိုးသွင်းတဲ့ပွဲတွေမှာ နယူးကာဆယ်အသင်းရဲ့နိုင်ပွဲရရှိမှုဟာ (၉၃.၈%)အထိရှိနေတာဖြစ်ပါတယ်။

ဒါကြောင့် နယူးကာဆယ်ပရိသတ်တွေက လာမယ့် မတ်လ(၁၆)ရက်နေ့ (တနင်္ဂနွေနေ့)မှာ ကစားမယ့် လိဂ်ဖလားဗိုလ်လုပွဲစဉ် နယူးကာဆယ်-လီဗာပူးလ်ပွဲမှာ ဂွီမာရေ့စ်ဂိုးသွင်းဖို့ မျှော်လင့်တယ်လို့ ပရိသတ်တွေက ဆိုရှယ်မီဒီယာမှာ ရေးသားနေကြပါတယ်။

ဝက်စ်ဟမ်းနဲ့ပွဲမှာ သူသွင်းယူခဲ့တဲ့တစ်လုံးတည်းသောဂိုးနဲ့နောက်န်ပီယံမန်စီးတီးအသင်းနဲ့ ရမှတ်တူ (၄၇)မှတ်နဲ့ အဆင့်(၆)နေရာမှာ ရပ်တည်နေပါတယ်။