ဘတ်ထရီ 10000mAh ပါမယ့် realme ဖုန်းအသစ်

ဘတ်ထရီ 10000mAh ပါမယ့်အပြင် ဖုန်းအထူက 8.5mm ပဲရှိမယ်လို့ ဆိုထားတယ်။ ဒါပေမဲ့ ဈေးကွက်ထဲတော့ ရောက်လာသေးပါဘူး။ realme ဘက်ကနေ Concept ချပြတဲ့ သဘောပါ။ တချို့တချို့တွေ ဖုန်းပါးပါးလေးထုတ်ပြီး Battery case တွေပါ ရောင်းတော့မယ့်အချိန်မှာပေါ့ … 

Realme ကနေ reame GT7 Series ကို မိတ်ဆက်ဖို့ ပြင်ဆင်နေချိန်မှာပဲ concept ဖုန်းအသစ်တစ်လုံးကိုလည်း အတူမိတ်ဆက်သွားဖို့ ရှိကြောင်း အတည်ပြုလာတာပါ။ ဒီဖုန်းမှာက ထူးထူးခြားခြားအနေနဲ့ Battery 10000mAh ပါဝင်လာမှာဖြစ်ပါတယ်။ 

Realme ကနေ ထုတ်ပြလာတဲ့ ဓါတ်ပုံတွေထဲမှာတော့ ဖုန်းရဲ့ ကျောဘက်ဒီဇိုင်းမှာ “GT 10000mAH” နဲ့အတူ “Power That Never Stops” ဆိုတဲ့ စာသားတွေကို ရေးသားထားပါတယ်။ နောက်ပြီး Dual Camera set up နဲ့ဖြစ်ပါတယ်။ 

Realme concept ဖုန်းဟာဆိုရင် ဆီလီကွန်ပါဝင်မှုမြင့်မားတဲ့ ဘတ်ထရီအမျိုးအစားကို တပ်ဆင်ထားပြီး Energy Density အရ 887W/L အထိ ရှိမယ်လို့ ဆိုထားပါတယ်။ ဒါကြောင့်လည်း ဖုန်းရဲ့ အထူဟာ သာမန်အတိုင်းသာရှိနေပြီး ဘတ်ထရီကြီးကြီးတပ်ဆင်နိုင်ခဲ့တယ်လို့ ဆိုပါတယ်။ ဖုန်းရဲ့အထူမှာ 8.5mm သာရှိပြီး အလေးချိန်ကတော့ 200 ဂရမ်ကျော်သာရှိပါမယ်။ 

လောလောဆယ်တော့ concept အနေနဲ့သာ မိတ်ဆက်ထားပေမဲ့ မူပိုင်ခွင့်ပေါင်း 60 လောက်အထိလည်း ရှိနေပြီလို့ ဖော်ပြထားပါတယ်။ ဒါကြောင့် အကန့်အသတ်နဲ့ ရောင်းချဖို့ရာများ ရှိလာမလားဆိုတာကတော့ စောင့်ကြည့်ရမှာပါပဲ...