ဆွဲဆန့်နိုင်မယ့် Samsung ဖုန်းအသစ်

Rollable ဖုန်းတွေက ရှေ့နှစ်တွေတုန်းကလည်း သူ့ထက်ငါအပြိုင် မိတ်ဆက်ခဲ့ဖူးတာပဲ။ LG, Motorola, Oppo တို့ဆို concept တွေ prototype‌ တွေထုတ်ပြခဲ့ဖူးပါတယ်။ လက်တွေ့တော့ ရောင်းချနိုင်ခြင်းမရှိသေးဘူးပေါ့။ အခုတော့ ခေါက်ဖုန်းတွေရဲ့ ဘုရင်လို့ ပြောရမယ့် Samsung ကနေ ဆွဲဆန့်နိုင်တဲ့ Rollable ဖုန်းတွေကို ချပြသွားတော့မယ့် အလားအလာတွေ တွေ့နေရပါပြီ။ 

Samsung ကနေ အမေရိကန်မူပိုင်ခွင့်ဖြစ်တဲ့ USTPO (United States Patent and Trademark Office) မှာ Rollable ဆွဲဆန့်နိုင်တဲ့ဖုန်းပုံစံကို မူပိုင်ခွင့်တင်ခဲ့တယ်လို့ သတင်းတွေထွက်လာပါတယ်။ 

Leak ဖြစ်လာတဲ့ဓါတ်ပုံတွေအရ ဒီဖုန်းက လက်တစ်ဆုပ်စာ သေးငယ်တဲ့မူလပုံစံကနေ သာမန်ဖုန်းတစ်လုံးအရွယ်ဖြစ်သွားအောင် ဆွဲဆန့်နိုင်မှာပါ။ နောက်ပြီး ကျောဘက်မှာ ကင်မရာ ၂ လုံးနဲ့ Flash light ကိုတွေ့ရပါတယ်။ Rollable နည်းပညာကြောင့် ဖုန်းက သာမန်ဖုန်းတွေထက် ပိုထူမယ့်သဘောရှိပါတယ်။ 

Samsung ကနေ 2019 ကတည်းက Rollable ဖုန်းအတွက် ပြင်ဆင်နေခဲ့တာတွေရှိတယ်ဆိုပြီး သတင်းတွေထွက်ခဲ့ဖူးပါတယ်။ အခုတော့ ဒီနှစ်ထဲမဟုတ်တောင် ရှေ့နှစ်ထဲမှာတောင် Rollable ဖုန်းတွေကို တွေ့ရဖို့များနေပါပြီ။