ဒေါ်လာ 1000 ကျော်မယ့် Nothing Phone 3

Nothing Phone 3 ထွက်ဖို့ ပြီးခဲ့တဲ့လက Nothing CEO ကိုယ်တိုင် ကြေညာခဲ့တာဆိုတော့ တဖြည်းဖြည်းနဲ့ Leak တွေ ထွက်လာတော့မှာပါ။ ဒါပေမဲ့လို့ Nothing နဲ့ပတ်သက်ပြီး မထွက်လာခင် အရိတ်အမြွက်တွေပေးတာက Nothing ကိုယ်တိုင်ကပဲ များပါတယ်။ အခုလည်း Nothing Phone 3 နဲ့ပတ်သက်ပြီး ဈေးကို ပြောလာပါပြီ။ 

Android ဆိုတဲ့ YouTube Channel ကနေ Nothing CEO ကိုယ်တိုင်ရှင်းပြထားတဲ့ video တစ်ပုဒ်တင်ထားပါတယ်။ Phone 3a နဲ့ 3a Pro အကြောင်း အနည်းငယ်ရှင်းပြနေရင်းနဲ့ Phone 3 အကြောင်းကိုပါ ထည့်ပြောသွားတာပါ။ 

CEO အပြောအရ Nothing Phone 3 ကိုတော့ Flagship Device ဖြစ်ပါမယ်။ Premium Material တွေကိုသာ သုံးထားပါတယ်။ major performance upgrades, software that really levels things up တွေ ပါလာမယ်။ နောက်ပြီး လာမယ့် Summer မှာ တွေ့ရပါမယ်ဆိုပြီး ပြောထားပါတယ်။ ဈေးနှုန်းအရတော့ ပေါင် 800 ဝန်းကျင် (ခန့်မှန်း ယူရို 951 ၊ အမေရိကန်ဒေါ်လာ 1063 ၊ အိန္ဒိယရူပီး 90,500) လောက်ရှိမယ်လို့ ဆိုထားပါတယ်။