ဒီနေ့ရဲ့သတင်းအတိုအထွာများစုစည်းမှု

■ ဘုန်းမောက်အသင်းနောက်ခံလူ ဒင်းဟိုက်ဆန်ဟာ ဒီလထဲမှာသူ့ရဲ့အနာဂတ်ကို ဆုံးဖြတ်လိမ့်မယ်လို့ နာမည်ကြီးဂျာနယ်လစ် ဖာဘရီဇီယိုရိုမန်နိုက ဖော်ပြထားပါတယ်။ စပိန်ကြယ်ပွင့် ဒင်းဟိုက်ဆန်ကိုခေါ်ယူဖို့ ပရီးမီးယားလိဂ်ထိပ်သီးကလပ်တွေဖြစ်တဲ့ လီဗာပူးလ်၊အာဆင်နယ်နဲ့ ချယ်လ်ဆီးအသင်းတို့က စိတ်ဝင်စားနေတာဖြစ်ပါတယ်။

■ ပြင်သစ်တိုက်စစ်ကစားသမား အန်ကွန်ကူဟာ နွေရာသီမှာ ချယ်လ်ဆီးအသင်းကနေ ထွက်ခွာဖို့ဆုံးဖြတ်ထားတယ်လို့ Sky Sports Germany က ဖော်ပြထားပါတယ်။ ချယ်လ်ဆီးအသင်းမှာ ပုံမှန်ပွဲကစားခွင့်ရဖို့ရုန်းကန်နေရတဲ့ အန်ကွန်ကူကိုခေါ်ယူဖို့ ဘိုင်ယန်မြူးနစ်နဲ့ PSG အသင်းတို့က ချိတ်ဆက်မှုတွေပြုလုပ်နေတာဖြစ်ပါတယ်။

■ မာဆေးလ်အသင်းတိုက်စစ်မှူး ဂရင်းဝုဒ်ဟာ အင်္ဂလန်ကိုပြန်လာဖို့ စိတ်အားထက်သန်နေတယ်လို့ The Sun က ဖော်ပြထားပါတယ်။ မာဆေးလ်အသင်းနည်းပြဒီဇာဘီနဲ့ ပရိသတ်တွေရဲ့ဝေဖန်မှုတွေကို ခံခဲ့ရတဲ့ ဂရင်းဝုဒ်ရဲ့အခြေအနေကို ပရီးမီးယားလိဂ်ကလပ်အသင်းအချို့က စောင့်ကြည့်မှုတွေပြုလုပ်နေတာဖြစ်ပါတယ်။

■ အဲဗာတန်အသင်းဟာ တိုက်စစ်မှူးဟောင်း ရစ်ချာလီဆန်ကို စပါးအသင်းကနေ ပြန်လည်ခေါ်ယူဖို့ စဉ်းစားနေပါတယ်။ စပါးအသင်းကလည်း ရစ်ချာလီဆန်အတွက် ပေါင်သန်း(၄၀)ဝန်းကျင်နဲ့ ကမ်းလှမ်းမှုတွေကို လက်ခံသွားဖို့ဆန္ဒရှိနေတာဖြစ်ပါတယ်။

■ အက်စတွန်ဗီလာအသင်းဟာ မန်ယူနိုက်တက်အသင်းကနေ အငှားနဲ့ခေါ်ယူထားတဲ့ တိုက်စစ်ကစားသမား ရပ်ရှ်ဖိုဒ့်ကို အပြီးသတ်ခေါ်ယူဖို့မသေချာတာကြောင့် ပေါ်တိုအသင်းတိုက်စစ်မှူး ဆာမူကို ခေါ်ယူနိုင်ဖို့ အရှိန်မြှင့်ကြိုးပမ်းနေပါတယ်။ အက်စတွန်ဗီလာအသင်းဟာ ပြီးခဲ့တဲ့နွေရာသီကတည်းက ဆာမူကိုခေါ်ယူဖို့ စောင့်ကြည့်နေခဲ့တာဖြစ်ပါတယ်။

■ ဒေါ့မွန်အသင်းရဲ့စိတ်ဝင်စားမှုကိုခံနေရတဲ့ ယူကရိန်းနောက်ခံလူ ဇင်ချန်ကိုဟာ နွေရာသီမှာ အာဆင်နယ်အသင်းကနေ ထွက်ခွာဖွယ်ရှိနေပါတယ်။ ဇင်ချန်ကိုနဲ့ အာဆင်နယ်အသင်းတို့ရဲ့စာချုပ်ဟာ ၂၀၂၆ ခုနှစ်၊ဇွန်မှာ ကုန်ဆုံးမှာဖြစ်ပါတယ်။