ငွေကိုချွေချွေတာတာနဲ့သုံးစွဲပြီး အစားအသောက်တွေကိုအာဟာရပြည့်ဝစွာစားဖို့ဘယ်အချက်တွေလုပ်သင့်လဲ

ငွေဆိုတာကသုံးရင် သုံးသလိုကုန်တတ်တဲ့အရာမျိုးပါ။အခုလိုငွေရှာရခက်တဲ့အချိန်မျိုးမှာတော့ ပိုပြီးတော့ ချွေချွေတာတာသုံးစွဲသင့်ပါတယ်။ ကိုယ့်အိမ်အတွက် အိမ်စရိတ်အသုံးစရိတ်တွေကိုလည်းလျော့ချတတ်ဖို့ကလည်းအရေးကြီးဆုံးဖြစ်ပါတယ်။ အခုပြောပြထားတဲ့အချက်လေးတွေကလည်း တကယ်ထိရောက်ပြီး သင့်ရဲ့အသုံးစရိတ်ကိုလျော့ချပေးနိုင်ပြီး တကယ်လည်းချွေတာရာရောက်ပါတယ်နော် ။
အစီအစဉ်ချပြီးတစ်ပတ်စာဈေးဝယ်ပါ
ကိုယ့်ရဲ့မိသားစုဝင်များတယ်ဆိုရင်တော့ တစ်ပတ်စာအတွက် Stock တွေဝယ်ထားသင့်ပါတယ်။ အများနဲ့ဝယ်ရင်ပေးရတဲ့ဈေးကလည်းသက်သာသလို ကိုယ့်ရဲ့ငွေက်ိုလည်းခဏခဏမထွက်အောင်လုပ်သလိုဖြစ်စေတဲ့အတွက် ဖြစ်နိုင်ရင်ဒီတစ်ပတ်ထွက်ချက်မဲ့ဟင်းလျာတွေအတွက် ကြိုတင်ပြင်ဆင်ပြီးဝယ်သင့်ပါတယ်။

Photo Credit - Healthy.com

အာဟာရပြည့်ဝတဲ့အစားအသောက်တွေကိုသေချာစိစစ်ပြီးရွေးချယ်ပါ
အစားအသောက်တွေကိုရွေးချယ်ဝယ်ရာမှာလည်း ဈေးနှုန်းသက်သာတာတစ်ခုတည်းကိုပဲမကြည့်သင့်ပါဘူးနော်။ ရက်လွန်တာတွေ၊ ဈေးချပြီးရောင်းနေတာတွေက တကယ်ရောကောင်းရဲ့လားဆိုတာမျိုးကိုသေချာရွေးဝယ်စေချင်ပါတယ်။ ဈေးသက်သာတာရှာဝယ်ရင်းနဲ့ အာဟာရပြည့်ဝတဲ့အစားအသောက်တွေနဲ့ ဝေးရတတ်ပါတယ်နော် ။

Photo Credit -Forks

လိုအပ်သလောက်သာဝယ်ပါ
အပိုအလျှံဖြစ်စေတာက အစားအသောက်မှမဟုတ်ပါဘူး ဘယ်အရာမှကိုမကောင်းတာပါ။အစားအသောက်တွေကိုလည်း နှမျောပြီးများများဝယ်လိုက်ခြင်းထက် ကိုယ့်တကယ်စားချင်တာမျိုးကိုပိုပြီးဦးစားပေးဝယ်သင့်ပါတယ်။ဒါကြောင့်လိုအပ်သလောက်လာဝယ်ပါဆိုတဲ့အချက်ကလည်းအရေးကြီးပါတယ်။
ဈေးနှုန်းမှန်ကန်တဲ့ဆိုင်ရှာဝယ်ပါ
တစ်ချို့ဆိုင်တွေရဲ့ကုန်ဈေးနှုန်းတွေက သာမာန်ထက်ပိုပြီးပေးရတဲ့ဆိုင်မျိူးရှိတတ်ပါတယ်။ ကိုယ့်ရဲ့ဝင်ငွေနဲ့ထွက်ငွေနဲ့မျှတအောင် သုံးစွဲဖို့ကလည်းလိုအပ်တဲ့အတွက် ကုန်စုံဆိုင်ရွေးချယ်ရာမှာလည်းအရွေးမှန်ပြီး ဈေးမှန်ဖို့ကလည်းလိုအပ်ပါတယ်။

Photo Credit - Yummy