EU တွင်ဒဏ်ငွေပေးဆောင်ရမည့် TikTok

TikTok သည်အသုံးပြုသူများ​၏ data များကို China သို့ လွှဲပြောင်းခြင်းအတွက် EU တွင်ဒဏ်ငွေများစွာ ချမှတ်ခံရပြီး အိုင်ယာလန်နိုင်ငံ၏ Data Protection Commission (DPC) သို့ဒဏ်ငွေ ယူရို ၅၃၀ သန်း (ဒေါ်လာ သန်း ၆၀၀) ပေးဆောင်ရမည်။

အကြောင်းရင်းမှာ ဥရောပစီးပွားရေးဧရိယာ (EEA) ရှိ TikTok အသုံးပြုသူများ၏ ကိုယ်ရေးကိုယ်တာအချက်အလက်များကို တရုတ်နိုင်ငံသို့ လွှဲပြောင်းပေးခြင်းကြောင့်ဖြစ်သည်။

TikTok သည် EEA မှအသုံးပြုသူများ​​၏ dataများကို တရုတ်နိုင်ငံသို့ လွှဲပြောင်းခြင်းနှင့်ပတ်သက်သည့်လုပ်ရပ်တွင် EU ၏ GDPR စည်းမျဉ်းများကို ချိုးဖောက်ခဲ့ကြောင်း ဆုံးဖြတ်ခဲ့ပြီး ၎င်းနှင့်ပတ်သက်သည့် ပွင့်လင်းမြင်သာမှုဆိုင်ရာစည်းကမ်းချက်များကိုလည်း လိုက်နာခဲ့ခြင်းမရှိပေ။ဒဏ်ကြေးငွေနှင့်အတူ TikTok သည် GDPR စည်းမျဉ်းများနှင့်ကိုက်ညီစေရန် ၆ လအတွင်း၌ data လုပ်ငန်းစဉ်များကို ပြုပြင်ရမည်ဖြစ်သည်။မပြုပြင်ပါကတရုတ်နိုင်ငံသို့ data လွှပြောင်းခြင်းကိုရပ်ဆိုင်းရမည်ဖြစ်သည်။

ဤကိစ္စနှင့် ပတ်သက်၍ DPC ​၏ဒုတိယတာဝန်ရှိသူ Graham Doyle က TikTok သည် တရုတ်နိုင်ငံရှိ ဆာဗာများတွင် EEA အသုံးပြုသူဒေတာကို သိမ်းဆည်းထားခြင်းမရှိကြောင်း အစောပိုင်းတွင် ပြောကြားခဲ့သော်လည်း ပြီးခဲ့သည့်လက တရုတ်နိုင်ငံရှိ ဆာဗာများတွင် "ကန့်သတ် EEA အသုံးပြုသူဒေတာ" အမှန်တကယ် သိမ်းဆည်းထားပြီး ဖေဖော်ဝါရီလတွင် ရှာဖွေတွေ့ရှိခဲ့သည့်အချက်အလက်များကို DPC သို့ အကြောင်းကြားခဲ့သည်။ထို့ကြောင့် ပေးထားသော ကနဦးအချက်အလက်များမှာ မမှန်ကန်ကြောင်းကိုတွေ့ရှိခဲ့သည်။သို့သော် TikTok သည် ဒေတာများကို ဖျက်လိုက်ပြီဖြစ်ကြောင်းလည်း DPC သို့အကြောင်းကြားခဲ့သည်။