ကိုယ့်ကိုမုန်းနေတဲ့သူတွေကို ဘယ်လိုတုံ့ပြန်မလဲ

လူ့သဘာဝပတ်ဝန်းကျင်းမှာက ချစ်ခြင်း၊ မုန်းခြင်းတွေနဲ့ အမြဲကြုံတွေ့နေရတယ်ဆိုတာ မှန်ပါတယ်။ လူတစ်ယောက်က ကိုယ့်ကိုချစ်ဖို့လုပ်ရတာခက်သလောက်၊ လူတိုင်းကိုလည်း ကိုယ့်ကိုမမုန်းပါနဲ့လိုလက်ခံလာအောင်လုပ်ရတာကလည်းမလွယ်ပါဘူးနော်။ လူတွေက အချစ်ခံရတာထက် အမုန်းခံရတာကိုတော့ အရမ်းကြောက်ကြပါတယ်။ ဒါကလည်း သဘာဝတရားလို့လည်းပြောလို့ရပါတယ်။ ကိုယ့်ကိုမုန်းနေတာမျိုးဖြစ်ဖြစ် ၊ကိုယ်လုပ်တဲ့လုပ်ရပ်တိုင်းကို အကောင်းမမြင်တာမျိုးဆိုရင် အဲ့လိုအမုန်းတရားတွေကနေ အကောင်းဆုံးတွေဖြစ်လာဖို့အတွက်ဘယ်လိုပြင်ဆင်သင့်လဲဆိုတာမျှဝေပေးချင်ပါတယ်။
အမုန်းကို အမုန်းနဲ့မတုံ့ပြန်ပါနဲ့
ကိုယ့်ကိုသူကမုန်းနေတယ်လို့သိရတယ်ဆိုတဲ့ ခံစားချက်ကတော်တော်လေးလည်းခံစားရခက်ပါတယ်။ အဲ့လိုမျိုးမုန်းနေတဲ့သူတစ်ယောက်ကို ကိုယ့်ဘက်ကလည်းအမုန်းနဲ့ မတုံ့ပြန်တတ်ဖို့ကလည်းအရေးကြီးပါတယ်။ ကိုယ့်ရဲ့စိတ်ကိုပေါ့ပေါ့ပါးပါးထားပါ။ စိတ်အပင်ပန်းတွေခံပြီးပြန်လိုက်မုန်းစရာမလိုပါဘူး၊ သူ့ဘက်ကဘယ်လောက်မုန်းမုန်းကိုယ့်ဘက်ကအကောင်းမြင်ပြီး သူ့လိုစိတ်မရှိဘူးလို့ပြန်တုံ့ပြန်ပေးလိုက်ပါနော်။

ကြိုးစားပြလိုက်ပါ
ကြိုးစားပြခြင်းကအကောင်းဆုံးတုံ့ပြန်ခြင်းတစ်ခုလို့လည်းပြောလို့ရပါတယ်။ ကိုယ့်ကိုမနာလိုသူတွေ၊မုန်းတီးနေတဲ့သူတွေကို ကိုယ့်ရဲ့ကြိုးစားမှုနဲ့ အနိုင်ယူပြလိုက်ပါနော်။ သူတို့တွေရဲ့ စိတ်ထဲမှာ ပိုပြီးခံရခက်တာမျိုးလည်းဖြစ်သလို၊ ကိုယ့်ဘက်ကလည်းအရှုံးကိုလက်မခံဘူးဆိုတဲ့ သဘောမျိုးပါနော်။

စိတ်ဓာတ်ကိုမာအောင်ထားပါ
ကိုယ့်ကိုဝမ်းနည်းလို့ဆိုပြီး ဝမ်းနည်းနေမဲ့အစား ကိုယ့်ကိုချစ်တဲ့သူတွေကိုပိုပြီးတန်ဖိုးထားလိုက်ပါ။ ကိုယ့်ကသူ့ရဲ့စိတ်ကိုလည်းပြင်လို့မရလို့ မမုန်းပါနဲ့လို့လည်းပြောလို့မရပါဘူး၊ ဒီလူကငါ့ကိုမုန်းနေတယ်ဆိုပြီးအရမ်းကြီးလည်းအတွေမလွန်ပါနဲ့၊ ကိုယ့်ပုံစံကိုလည်းမပြောင်းလဲလိုက်ပါနဲ့နော်။

Kelly - Akhayar Lifestyle

Photo Credit -Freepik