iPhone 17 Air အကြောင်းတစေ့တစောင်း

iPhone 17 Air ကိုလာမည့်ယခုစက်တင်ဘာလတွင် iPhone 16 Plus နေရာကိုအစားထိုးမည့်သီတင်းနှင့်အတူအခြားသီတင်းအသစ်များထွက်ပေါ်လာသည်။

iPhone 17 Air ​၏အလေးချိန်နှင့်ပတ်သက်သည့်အချက်အလက်များမှာ 146g ဟုပြောသော်လည်း ယခင်သိထားခဲ့သည့်အတိုင်း 145g နှင့် 150g ကြားရှိမည်ဟု ယူဆထားနိုင်သည်။

၎င်းသည် Samsung ၏ Galaxy S25 Edge ထက်ပိုမိုပေါ့ပါးလိမ့်မည်။ပိုပေါ့ပါးရသည့်အကြောင်းမှာ Apple သည် Samsung ကဲ့သို့ တိုက်တေနီယမ်ဖရိန်ကို အသုံးမပြုတော့ဘဲ ပိုမိုပေါ့ပါးသော 7000 စီးရီးအလူမီနီယမ်ကို အသုံးပြုထားခြင်းကြောင့်ဖြစ်သည်။

Frame ​၏ကလေးချိန်မှာ 25-30g သာရှိသည်ဟုသိရသည်။ OLED မျက်နှာပြင်သည် 35g၊ 5-7g ရှိသည့် 48MP နောက်ကျောဘက်ကင်မရာတစ်လုံး၊ A19 ချစ်ပ်နှင့် logic board တို့၏အလေးချိန်မှာ အကြမ်းဖျင်းအားဖြင့် 10-12g ၊ MagSafe module နှင့် "အခြားအစိတ်အပိုင်းများ" သည် 10-12g တို့ဖြစ်ပြီး၊ ထို့နောက်တွင် 15g glass back နှင့် battery က 35g ပါရှိမည်လို့သိရသည်။

ထွက်ရှိလာသောသီတင်းများအရ Apple သည် iPhone 17 Air ၏ဘက်ထရီကို Si/C နည်းပညာကို အသုံးပြုမည်ဟုဆိုထားသည်။ပါဝင်မည့်ပမာဏအတိအကျကို မသိရသော်လည်း 3,000 mAhအောက်ဖြစ်မည်ဟုကြားသိရသည်။

5.5 mm အထိပါးလွှာမည်ဖြစ်ပြီး အဓိကပြိုင်ဘက်ဖြစ်သည့် Galaxy S25 Edge ထက်ပိုပါးနိုင်မည်ဖြစ်သည်။

iPhone 17 Air တွင် 24 MP selfie၊ 8GB ​​RAM၊ 120 Hz refresh rate ပါရှိသော OLED မျက်နှာပြင်၊ Always-On Display၊ Dynamic Island၊ Face ID၊ wireless အားသွင်းစနစ်နှင့် eSIM ပါsupport လုပ်မည်ဟုသိရသည်။