iPhone အလုံးရေ ၂၀ ဖြင့် ရိုက်ကူးခဲ့တဲ့ရုပ်ရှင်

ဒီသတင်းက မနှစ်ကစက်တင်ဘာလောက်တုန်းက ထွက်ခဲ့သေးတယ်။ အဲ့တုန်းကတော့ ရုပ်ရှင်တစ်ခုလုံးကို iPhone 15 Pro Max အသုံးပြုပြီး ရိုက်ကူးတဲ့ ပထမဆုံးရုံတင်ကားရယ်လို့ ပြောခဲ့ကြတာပါ။ အခုထပ်ထွက်လာတဲ့ သတင်းကတော့ ဒီရုပ်ရှင်တစ်ခုလုံးကို iPhone နဲ့ ရိုက်တဲ့အပြင် iPhone အလုံးရေ ၂၀ သုံးခဲ့ရတယ်လို့ ဆိုပါတယ်။  

ရိုက်ကွင်းပေါ်က ဓါတ်ပုံတွေအရ ဒါရိုက်တာ Danny Boyle က iPhone အလုံး ၂၀ လုံးကို တပ်ဆင်ထားတဲ့ အထူးကိရိယာတစ်မျိုးကို သုံးခဲ့တာကို တွေ့ရမှာပါ။ iPhone 15 Pro Max တစ်မျိုးတည်းမဟုတ်ပဲ အခြား iPhone မော်ဒယ်တွေကိုလည်း ရောသုံးထားပြီး အထူးသဖြင့် iPhone ၈ လုံး၊ ၁၀ လုံး နဲ့ ၂၀ လုံးတပ်လို့ရတဲ့ ကိရိယာ ၃ မျိုးကို အသုံးပြုထားပါတယ်။

Boyle အတွက် iPhone နဲ့ရိုက်တာက အနုပညာဆန်တဲ့ ရွေးချယ်မှုတစ်ခုပါ။ ၂၀၀၂ ခုနှစ်တုန်းက "28 Days Later" ပထမဆုံးအပိုင်းကို ဒီဂျစ်တယ်ဗီဒီယိုကင်မရာနဲ့ ရိုက်ခဲ့တာပါ။ အခုတစ်ခါမှာတော့ ဒီဂျစ်တယ်ခေတ်ရဲ့ အိမ်သုံးကင်မရာတွေနဲ့ တူတဲ့ iPhone ကို အချို့အခန်းတွေမှာ ရွေးသုံးဖို့ ဆုံးဖြတ်ခဲ့ကြတယ်လို့ ဆိုပါတယ်။ 

Boyle က "ရုပ်ရှင်ရဲ့ ဒုတိယပိုင်းမှာ iPhone အလုံး၂၀ တပ်ထားတဲ့ ကင်မရာနဲ့ ရိုက်ထားတဲ့ အရမ်းမိုက်တဲ့ scene တစ်ခုရှိတယ်၊ ကြည့်ရင်သိလာမယ်" လို့ ဆိုပါတယ်။ "ဒါက သာမန်မြင်ဖူးတာနဲ့မတူဘဲ ကြည့်ရှသူတွေကို အသွင်အသစ်တစ်ခုထဲ ဆွဲခေါ်သွားမယ့် ထူးခြားတဲ့ Scene တစ်ခုပါ" လို့ သူက ရှင်းပြခဲ့ပါတယ်> 

ဒီရုပ်ရှင်က ၂၀၀၂ ခုနှစ်မှာထွက်လာတဲ့ "28 Days Later" နဲ့ ၂၀၀၇ ခုနှစ်မှာထွက်ထားတဲ့ "28 Weeks Later" တို့ရဲ့ အဆက်ဖြစ်သလို နာမည်ကြီးမင်းသား၊ မင်းသမီးတွေလည်းပါဝင်ပါတယ်။ ရုပ်ရှင်ကတော့ Zombie တွေပြန့်သွားတဲ့ ကမ္ဘာကြီးမှာ Survival လုပ်ရတဲ့ UK အခြေပြုရုပ်ရှင်ပါပဲ။ ဒီရုပ်ရှင်ကိုတော့ လာမယ့်ဇွန် ၂၀ မှာ ပြသသွားမှာပါ။