iPhone Curved Display ဆိုတာဖြစ်လာနိုင်မလား

Apple သည် 2027 တွင် iPhone ထွက်ရှိခြင်း၏ ၂၀ နှစ်ပြည့်နေ့အခမ်းအနားတွင်ထူးခြားသောပြောင်းလဲမှုအသစ်ထုတ်ပြရန်ပြင်ဆင်နေသည်။ထိုအချိန်တွင် အလွန်ကွဲပြားသောဒီဇိုင်းအသစ်တစ်ခု ပါဝင်မည့် မော်ဒယ်အသစ်ကို မိတ်ဆက်လာလိမ့်မည်ဟုသတင်းထွက်ပေါ်နေပါသည်။ Bloomberg သတင်းဌာနအရ အဆိုပါနှစ်တွင် curved display design တွေထွက်ပေါ်လာနိုင်သည်ဟုသိရသည်။

တောင်ကိုရီးယား ETNews သတင်းဌာနကအရောင်းအဝယ်အစီရင်ခံစာတွင်နည်းပညာအသစ်အကြောင်းဖော်ပြပေးလိုက်သည်။ Apple သည် Samsung Display နှင့် LG Display တို့နှင့်အတူ bezel-less display များအတွက် ဆွေးနွေးဆောင်ရွက်နေသည်။အဆိုပါ display အသစ်တွင် လေးဘက်လုံးခုံးနေသည့် မျက်နှာပြင် (four-sided bending display) ပါဝင်မည်ဖြစ်ပြီး ဖုန်းရဲ့မျက်နှာပြင်ကိုကြည့်လိုက်လျှင် မှန်တစ်ချပ်ကဲ့သို့ထင်မြင်ရလိမ့်မည်ဟုဖော်ပြထားသည်။

ထို့ပြင် iPhone အသစ်တွင်(under-display camera) ပါဝင်လာနိုင်သည့်အပြင် 16nm FinFET OLED driver chip အသစ်ကို အသုံးပြုမည်ဖြစ်ပြီးယခု iPhone မော်ဒယ်များတွင်အသုံးပြုနေသော 28nm planar chip ထက်သိသာစွာကောင်းလာမည်ဖြစ်သည်။

ထို့အပြင် Apple မှ all-silicon cathode ပါဝင်သည့် solid-state battery အသစ်တစ်ခုကိုပါ မိတ်ဆက်နိုင်ကြောင်းဆိုသည်။ ၎င်း battery သည် အားခံမှုအတွက်စိတ်တိုင်းကြစေရမည်လို့လဲဖော်ပြထားသည်။

သို့သော်လည်းယခုသတင်းအချက်အလက်များမှာ စမ်းသပ်မှုအခြေအနေအတွင်းရှိသည့်အတွက် အတည်ပြုနိုင်ရန်အတွက်အချိန်အတိုင်းအတာတစ်ခုထိတော့စောင့်ကြည့်ရဦးမည်။