ကား နှင့် ဆိုင်ကယ်များသာမက အာကာသထိခြေဆန့်တော့မည့် Honda
ကားနှင့်မော်တော်ဆိုင်ကယ်ထုတ်လုပ်မှုများဖြင့် နာမည်ကျော်ကြားသည့် Honda သည်မကြာသေးမီအချိန်က နည်းပညာအသစ်တစ်ခုတီထွင်ခဲ့ပြီးအဆိုပါနည်းပညာမှာအာကာသသို့ Rocket လွှတ်တင်ရန်ဖြစ်သည်။၂၀၂၅ ခုနှစ် ဇွန်လ ၁၇ ရက်နေ့တွင် Honda သည်မိမိတို့အပိုင် Reusable (ပြန်အသုံးပြုနိုင်သော) Rocket တစ်စင်းကို Hokkaido ပြည်နယ် Taiki စမ်းသပ်စခန်း၌ အောင်မြင်စွာလွှတ်တင်ခဲ့ပြီး ကောင်းမွန်စွာဆင်းသက်နိုင်ခဲ့သည်။
ဤ Rocket သည်အမြင့် ၆.၃ မီတာ (ပေ ၂၁ ခန့်) ရှိပြီး အလေးချိန်အားဖြင့် ၁.၃ တန်ခန့်ရှိသည်။ညင်းသာစွာထွက်ခွာခဲ့ပြီး ၂၇၁ မီတာ (ပေ ၈၉၀) အထိ မြင့်တက်ခဲ့သည်။စမ်းသပ်မှုတစ်ခုလုံး ၅၆.၆ စက္ကန့်သာကြာမြင့်ခဲ့သော်လည်း ဆင်းသက်သည့်အခါတွင်သတ်မှတ်ထားသောနေရာနှင့် ၃၇ စင်တီမီတာ (၁၅ လက်မ) ဝေးရာတွင်တိကျစွာဆင်းသက်နိုင်ခဲ့သည်။ထိုသို့ တိကျစွာဆင်းသက်နိုင်ရန်အတွက် အသေးစိတ် research ပြုလုပ်ထားကာ အောက်ဘက်တွင်တပ်ဆင်ထားသော ခြေထောက် အထောက်အကူများကြောင့်ဟုလဲသိရသည်။
အဆိုပါအောင်မြင်မှုသည် Honda ၏ ပထမဆုံးအကြိမ် Vertical Takeoff and Landing (VTOL) Rocket ကို ကိုယ်ပိုင်သုတေသနအဖွဲ့နှင့်ပြုလုပ်ပြီး စမ်းသပ်အောင်မြင်ခဲ့ခြင်းဖြစ်သည်။ ဆင်းသက်ရာတွင် ရရှိခဲ့သော တိကျမှုအခြေအနေများသည် Honda ၏ ၂၀၂၉ ခုနှစ်တွင်ပြုလုပ်မည့် suborbital spaceflight ရည်မှန်းချက်အတွက် တန်ဖိုးရှိသောစမ်းသပ်မှုနှင့်အောင်မြင်မှုများဖြစ်လာရန်ဖြစ်သည်။
