ပိုက်ဆံ ၁၀၀၀၀ ကျော်လေးနဲ့ နာမည်ကြီး မာလာထန် စားကြမယ်
ဒီနေ့မှာတော့ Admin က မန္တလေးက နာမည်ကြီး မာလာထန် ဆိုင်ဖြစ်တဲ့Ko Ko Fu ဆိုတဲ့ ဆိုင်လေးကို သွားရောက်ခဲ့ပါတယ် ။ ဒီဆိုင်လေးကို မန္တလေးမှာ နာမည်ကြီးနေတည်းက စားချင်နေခဲ့တာ ခု ရန်ကုန်မှာ လာဖွင့်ပြီဆိုတော့ ကိုယ်တွေ အကြိုက်တွေ့တာပေါ့။
သူ့ဆိုင်ရဲ့ ထူးခြားချက်က ပုံမှန် ဆိုင်တွေမှာ မတွေ့ရတဲ့ ပဲလိပ်၊ အီကြာကွေး အပြင် ပုစွန် ၊ဂဏန်း ၊ရေဘဝဲ အကိတ်ကြီးတွေကိုပါ တွေ့ရတာနော် ။ နောက်တစ်ခုက ဝက်အူချောင်းဆိုလည်း ပုံမှန် ဆိုင်တွေမှာလို မဟုတ်ဘဲ လုံးဝ မအီဘဲ ချိုချိုလေးနဲ့ အရမ်း စားကောင်းတာကြောင့် ရောက်ရင် စားဖြစ်အောင် စားခဲ့ကြဖို့ ပြောချင်ပါတယ်။
နောက်ပြီးတော့ သူ့ဆိုင်မှာက မာလာထန်ကိုမှ အရိုးပြုတ်ရည် / စီချွမ်း မာလာ/ ခရမ်းချဉ်သီး ဟင်းရည် ဆိုပြီး အရသာ သုံးမျိုးတောင် ရှိသေးတယ် ။ adminကတော့ ဒီနေ့ အရိုးပြုတ်ရည် နဲ့ စီချွမ်း မာလာ နှစ်မျိုးကို စားခဲ့ပါတယ်။ အစပ် level လည်း ရွေးလို့ရပြီး admin တို့ကတော့ နှစ်ခုလုံးကို level 2 နဲ့ စားခဲ့ပါတယ်။
အရသာကိုပြောရရင်တော့ အရိုးပြုတ်ရည်ကတော့ ချိုစပ်ဘက်ကို ပိုသွားပြီး လူကြီးပိုင်းတွေနဲ့ အစပ် အရမ်းမစားနိုင်တဲ့ သူတွေအတွက် ကွက်တိကျမယ်လို့ ထင်ပါတယ်။ နောက်ပြီး adminဆို အမြဲ စီချွမ်း အရသာနဲ့ စားရင် ထမင်းနဲ့ နယ်စားဖြစ်ပေမယ့် သူ့ အရသာက ထုံစပ်ဆိုတော့ အရည်ကိုတော့ ဒီတိုင်းကြီး မသောက်ဖြစ်ဘူးပေါ့နော် ။
ဒါပေမယ့် အရည်လေးလည်းသောက်ရင်း စားချင်တဲ့ သူတွေအတွက်ကတော့ ဒီ အရိုးပြုတ်အရည် အရသာကို စားကြည့်ဖို့ ပြောချင်ပါတယ်။ သူကလေ level 3 လောက်နဲ့ စားရင်တောင် အရမ်းကြီး စပ်နေတာမျိုး မဟုတ်ဘဲ ပုံမှန် ချိုစပ် အရသာလေးပဲ ဆိုတော့ အစပ်ကြိုက်တဲ့သူတွေဆို level3 လောက်နဲ့ စားကြည့်ခဲ့ဖို့ ပြောချင်ပါတယ် ။
နောက်တစ်ခုကတော့ စီချွမ်း မာလာအရသာလေးပါ။admin ကlevel 2နဲ့ စားခဲ့တာဆိုတော့ သူ့အရသာလေးက အရမ်းကြီးလည်း မထုံဘဲနဲ့ ပုံမှန် အစပ်စားတဲ့လူဆို Level 2 လေးဘဲ စားပြီး အစပ် ကြိုက်တဲ့ သူတွေကတော့ level 3/ 4 ကို စားကြည့်ရင် ကွက်တိပဲ။ ပဲလိပ်တို့ အီကြာကွေးတို့ဆိုလည်း အရည်ထဲ နှစ်ပြီး စားလိုက်ရတဲ့ အရသာက တစ်ကယ်ကို လိုက်ဖက်နေရောပါပဲ။သူ့ဆီမှာက hot pot ဆိုင်တွေမှာ တွေ့ရသလို အချဉ်စပ်တဲ့နေရာလေးလည်း ရှိတယ်နော် ။
ကိုယ်တိုင်ပဲ စပ်မလား ဆိုင်က အစ်ကို အစ်မတွေကိုပဲ စပ်ခိုင်းမလား? Adminကတော့ ယူလိုက်တဲ့ အသားတွေရယ် ပင်လယ်စာတွေရယ်နဲ့ စားဖို့ ဆိုင်က အစ်မ စပ်ပေးတဲ့ အချဉ်နဲ့ ရှယ်စားခဲ့ပါတယ်။
အရွက်တွေ / အသားတွေဆိုလည်း တစ်ကယ် အများကြီး ရွေးချယ်လို့ ရတဲ့အပြင် လူတွေများနေတဲ့ အချိန်မှာတောင် မှာပြီး ဘယ်လောက်မှ မစောင့်ရတာကတော့ admin အကြိုက်ဆုံး အချက်ပဲ ဖြစ်ပါတယ်။
Adminက အရသာ သိချင်လို့ ၂ မျိုး မှာခဲ့တယ် ဆိုပေမယ့် တစ်ပွဲကို ထမင်းအပါအဝင် ၁၄၀၀၀-၁၅၀၀၀ကျပ် ဝန်းကျင်ပဲ ကျခဲ့ပါတယ်။ သူငယ်ချင်း၂ ယောက်ကတော့ အေးဆေး အဝစားလို့ရပြီး အစားနည်းတဲ့သူဆိုရင် 3 ယောက်စာကိုမှ တစ်ယောက်ကို ၅၀၀၀ ကျပ်ပဲ ကျတော့မှာဆိုတော့ ပြန်ရတဲ့ အရသာနဲ့ ပေးရတဲ့ စျေးက တန်တယ်လို့ ပြောလို့ရပါတယ်။
Admin ကတော့ နောက်လည်း အမြဲစားဖြစ်တော့မယ့် ဆိုင် listထဲ ထည့်လိုက်ပြီမို့ မစားဖူးသေးတဲ့ သူတွေလည်း သေချာပေါက် သွားစားကြည့်ကြဖို့ recommend ပေးချင်ပါတယ်။
https://facebook.com/kokofumalatang/
