လျှစ်စစ်ကားတွေ ထုတ်လုပ်မှု ယာယီရပ်ဆိုင်းလိုက်တဲ့ Hyundai
Tesla တွေရောင်းအားကျဆင်းတာလောက်ကို စာဖွဲ့နေတဲ့အချိန်မှာ အခြားလျှပ်စစ်ကား Brand တွေလည်း သူလိုကိုယ်လို ပြဿနာကိုယ်စီဖြစ်နေကြတာပါပဲ။ အခုဆို တောင်ကိုရီးယားမှာရှိတဲ့ Hyundai ကားကုမ္ပဏီကနေ လျှပ်စစ်ကားတွေ ထုတ်လုပ်မှုကို ယာယီရပ်ဆိုင်းထားကြောင်း ကြေညာလာပါတယ်။ အကြောင်းအရင်းကတော့ အမေရိကန်ရဲ့ အခွန်ကိစ္စကြောင့်ပါ။
ကုမ္ပဏီကနေ ဧပြီ 24 ကနေ 30 အထိ လျှပ်စစ်ကားတွေ ထုတ်လုပ်တဲ့ Ulsan စက်ရုံမှာ အချို့သောထုတ်လုပ်မှုလုပ်ငန်းစဉ်တွေကို ယာယီရပ်တန့်မှာဖြစ်ကြောင်း ကြေညာခဲ့ပေမဲ့ ဘာကြောင့်လဲဆိုတာကိုတော့ မဖော်ပြထားပါဘူး။
ဒါပေမဲ့လည်း Hyundai Motor ကတော့ ကျန်ရှိနေသေးတဲ့ လျှပ်စစ်ကားများကို လာမယ့် ၂ လအတွင်း သတ်မှတ်ထားတဲ့ ဈေးနှုန်းများအတိုင်းသာ ရောင်းချသွားမှာဖြစ်ကြောင်း ကြေညာထားပါတယ်။
ဒီကိစ္စက အစိုးရကနေ လျှပ်စစ်ကားထောက်ပံ့မှုတွေ ရုတ်သိမ်းတာနဲ့ အမေရိကန်ရဲ့ အခွန်တိုးမြှင့်တဲ့ကိစ္စပေါင်းပြီး ဈေးကွက်ထဲမှာ ဝယ်လိုအားတွေ လျော့ကျလာတာမို့ အခုလို ယာယီရပ်တန့်ခြင်းတွေ ဖြစ်ပေါ်လာတယ်လို့ ဆိုနေကြပါတယ်။ Donald Trump အနေနဲ့ အမေရိကန်ကို တင်သွင်းမယ့် မော်တော်ကားနှင့် ထရပ်ကားများအပေါ် ကုန်သွယ်ခွန် 25% အခွန်ပေးဆောင်ရမယ်လို့ သတ်မှတ်ထားတာပါ။
