မှားပြီးရင်းမှားနေတယ်လို့ပြောလာသည့် NVIDIA CEO
Nvidia အမှုဆောင်အရာရှိချုပ် Jensen Huang က အမေရိကန်အစိုးရအဖွဲ့အစည်းသည်တရုတ်နိုင်ငံသို့ အဆင့်မြင့်ကွန်ပျူတာchip များပို့ခြင်းကို တားမြစ်တဲ့စည်းမျဉ်းများအား“မအောင်မြင်သောမူဝါဒ” ဟုဝေဖန်ခဲ့သည်။
Huang က Taipei မြို့ရှိ Computex နည်းပညာပြပွဲရှိသတင်းစာရှင်းလင်းပွဲတစ်ခုမှာ “ဤမူဝါဒများသည် မအောင်မြင်ကြောင်း” ပြောကြားခဲ့သည်။
Huang ၏ ထောက်ပြချက်များသည် ယင်းမူဝါဒများအပေါ် သတင်းစကားအသစ်များထွက်ရှိလာချိန်တွင်ဖြစ်ပြီး ဒေါ်နယ်ထရမ့် အစိုးရကစတင်ပြဋ္ဌာန်းခဲ့ကာ နောက်တွင် Joe Biden အစိုးရက ပိုမိုပြင်းထန်စွာချမှတ်ခဲ့သည်။မကြာသေးခင်ကာလ Trump အစိုးရက တရုတ်သို့ပို့ခြင်းအားလုံးကို မပိတ်တော့ဘဲ အခြားနိုင်ငံများထံ ပို့ခြင်းကိုကန့်သတ်ရန်ဆုံးဖြတ်ခဲ့ကြောင်းလည်းကြားသိရသည်။
Jensen Huang ပြောသည်မှာ Biden အစိုးရလက်ထက်တွင် Nvidia ၏ တရုတ်ဈေးကွက်တွင် ၉၅% မှ ၅၀% အထိကျဆင်းခဲ့ပြီး၊ ထိုကန့်သတ်ချက်များကြောင့် တရုတ်ကုမ္ပဏီများသည် ပြည်တွင်းအစားထိုးနည်းပညာများဖန်တီးရန် အာရုံစိုက်လာကြောင်း၊ထို့ကြောင့် တရုတ်နိုင်ငံ၏ နည်းပညာတိုးတက်လာမှုမှာ သိသာထင်ရှားလာကြောင်းနှင့်ယခုအရှိန်အတိုင်းသွားနေရင်တရုတ်၏ လွှမ်းမိုးမှုမှာစိတ်ပူစရာဖြစ်လာနိုင်ကြောင်းပြောကြားခဲ့သည်။
အမေရိကန်၏ “AI နည်းပညာဖြန့်ဝေပေးမှုနှင့်ပတ်သက်သည့်စည်းမျဉ်းသတ်မှတ်မှု ယူဆချက်များသည် လုံးဝမှားနေကြောင်းသက်သေပြပြီးပြီ” ဟုထပ်မံပြောကြားခဲ့သည်။
အမေရိကန်အစိုးရသည် ထိုမူဝါဒများကို စတင်ချမှတ်ရသည့်အကြောင်းရင်းမှာစစ်ရေးတွင်အသုံးပြုနိုင်သော နည်းပညာများကိုတရုတ်အစိုးရနှင့်ဆက်စပ်နေသော ကုမ္ပဏီများရရှိမည်ကိုစိုးရိမ်ခဲ့ခြင်းကြောင့်ဟု မှတ်ချက်များလည်းရှိခဲ့သည်။
