“ကွန်ပြူတာ/ဖုန်းတွေကို ၅မိနစ်လောက်ပဲ ကြည့်ရုံနဲ့ ဇက်ကြောတက်လာလို့ စိတ်ညစ်နေရပြီလား”

ဇက်ကြောတက်တယ်ဆိုတာ အများအားဖြင့် အထိုင်များတဲ့သူတွေ ကွန်ပြူတာ,ဖုန်း အစရှိတာတွေကို အလွန်အကျွံအသုံးပြုခြင်းကနေ စတင်လာတာပဲ ဖြစ်ပါတယ်။

ထိုင်နေတာဖြစ်ဖြစ် မတ်တပ်ရပ်နေတာပဲဖြစ်ဖြစ် အိပ်ရာပေါ်မှာ လှဲနေရင်းကပဲ ဖြစ်ဖြစ် ခန္ဓာကိုယ်က တစ်နေရာထဲမှာ လှုပ်ရှားမှုမရှိဘဲနဲ့ တသမတ်တည်း နေတာကြာရင် အများအားဖြင့် ဇက်ကြောတက်တာကို စတင် ခံစားလာရတတ်ပါတယ်။

ဒီလိုဖြစ်တာတွေက အစပိုင်းမှာတော့ အရမ်းကြီးမသိသာသေးဘဲနဲ့ ပျောက်လိုက် ပြန်ပေါ်လာလိုက် ဖြစ်တတ်ပါတယ်။ ဒါပေမယ့် အချိန်ကြာလာတဲ့ အခါမှာတော့ ဒဏ်လိုဖြစ်လာပြီး ပြန်ပျောက်ဖို့လည်း ခဲယဉ်းလာတတ်ပါတယ်။

ဒါဟာလည်း ပေါ့ဆလို့မရတဲ့ ရောဂါတွေထဲက တစ်ခုမို့လို့ သေချာဂရုမစိုက်ဘူးဆိုရင် နောက်ဆက်တွဲ တခြားရောဂါတွေပါ ဖြစ်လာတတ်ပါတယ်နော်။

ဒီလေ့ကျင့်ခန်းလေးတွေကို နေ့တိုင်း အချိန်ခဏလောက်ပေးရုံနဲ့ လုပ်လို့ရပြီး ဒီလိုမျိုး ပုံမှန်လုပ်ပေးခြင်းအားဖြင့် ဇက်ကြောတက်တာကို အများကြီးသက်သာလာစေနိုင်ပြီး ပိုဆိုးလာတာမျိုးတော့ မဖြစ်စေပါဘူး။

ဒါပေမယ့် လေ့ကျင့်ခန်းအသစ်တစ်ခုကို စလုပ်တာဆိုတော့ ခန္ဓာကိုယ်က အသားမကျသေးတဲ့ အချိန်မှာ ကိုက်ခဲမှုလေးတွေ ဖြစ်တတ်တာကလည်း ပုံမှန်ဖြစ်တာကြောင့် စိုးရိမ်စရာမလိုဘူးနော်။

အခု အောက်မှာ ပြထားတဲ့ နည်းလမ်းလေးတွေက လွယ်ကူရိုးရှင်းပြီး ထိရောက်တဲ့ နည်းလမ်းလေးတွေအပြင် လေ့ကျင့်ခန်းတစ်ခုကို  ၅-၁၀ကြိမ်ကြားလောက် ပုံမှန်လေးလုပ်ပေးရင် ရတာမို့လို့ လိုက်လုပ်ကြည့်ကြဖို့လည်း တိုက်တွန်းချင်ပါတယ်။

1.Forward and backward tilt

2.Side tilt

3.Side Rotation

4.Head Lift

5.Chin Tucks