နောက်ဆုံးဆယ်စုနှစ်အတွင်း ပထမဆုံးအကြိမ်အဖြစ် ပရီးမီးယားလိဂ်(၆)ပွဲဆက်တိုက် နိုင်ပွဲပျောက်တဲ့ မန်ယူနိုက်တက်

မန်ယူနိုက်တက်အသင်းရဲ့ ဒီရာသီအဖြစ်က မီးစတစ်ဖက်၊ ရေမှုတ်တစ်ဖက်လို့ ဆိုရလေမလား ...

ယူရိုပါလိဂ်ပြိုင်ပွဲမှာ ဗိုလ်လုပွဲအထိတက်ရောက်လုနီးနီးဖြစ်နေပြီး ရှုံးပွဲလုံး၀မရှိပေမယ့် ပရီးမီးယားလိဂ်ပြိုင်ပွဲမှာတော့ အသင်းက ကပ်ဆိုက်နေပါတယ်။

ဒီနေ့ ဘရန့်ဖို့ဒ်အသင်းကို (၃-၄)ဂိုးနဲ့ ရှုံးခဲ့တဲ့ ပရီးမီးယားလိဂ်ပွဲက မန်ယူနိုက်တက်အသင်းအတွက် ဒီရာသီပရီးမီးယားလိဂ်ပြိုင်ပွဲမှာ (၆)ပွဲဆက်တိုက် နိုင်ပွဲပျောက်ခဲ့တာဖြစ်ပါတယ်။

မန်ယူနိုက်တက်အသင်းဟာ နောက်ဆုံးပရီးမီးယားလိဂ်(၆)ပွဲမှာ ဖောရက်စ်၊ နယူးကာဆယ်၊ ၀ုလ်ဗ်စ်၊ ဘရန့်ဖို့ဒ်အသင်းတွေကို ရှုံးခဲ့ပြီး မန်စီးတီး၊ ဘုန်းမောက်အသင်းတွေနဲ့ သရေကျခဲ့တာပါ။

ဒီလို ပရီးမီးယားလိဂ်ပြိုင်ပွဲမှာ(၆)ပွဲဆက်တိုက်နိုင်ပွဲပျောက်တာမျိုးကို ဒီဆယ်စုနှစ်တစ်ခုအတွင်းမန်ယူနိုက်တက်အသင်းအနေနဲ့ တစ်ကြိမ်မှ မကြုံဖူးဘဲ ဒါက ပထမဆုံးအကြိမ်ဖြစ်ပါတယ်။

မန်ယူနိုက်တက်အသင်းဟာ ဘရန့်ဖို့ဒ်(၄-၃)မန်ယူနိုက်တက်ပွဲမှာ အိမ်ရှင်ဘရန့်ဖို့ဒ်အသင်းကို ခြေရည်တူကစားပြီး ဂိုးသွင်းခွင့်တွေလည်းပိုရခဲ့ပေမယ့် ဘရန့်ဖို့ဒ်အသင်းဘက်က ဝစ်ဆာ၊ ရှာဒေးအပါအဝင် တိုက်စစ်ကစားသမားတွေရဲ့ ထိုးဖောက်ကန်သွင်းမှုတွေကို မကာကွယ်နိုင်တဲ့အပြင် လုခ်ရှောက ပွဲချိန်(၂၇)မိနစ်မှာ Own Goal သွင်းမိပါသေးတယ်။

ဘရက်ဖို့ဒ်ရဲ့ ကျန်ဂိုးတွေကိုတော့ ပွဲချိန်(၃၃)မိနစ်နဲ့ (၇၀)မိနစ်တွေမှာ ရှာဒေး၊ (၇၄)မိနစ်မှာ ဝစ်ဆာတို့က သွင်းယူခဲ့တာပါ။ မန်ယူနိုက်တက်အတွက် ပွဲချိန်(၁၄)မိနစ်မှာ မောင့်၊ (၈၂)မိနစ်မှာ ဂါနာချိုနဲ့ (၉၀+၄)မိနစ်မှ အာမတ်တို့က သွင်းယူခဲ့တာပါ။

ဒီနေ့ (စနေနေ့) ကစားခဲ့တဲ့ အစ​ောပိုင်းပွဲတွေဖြစ်တဲ့ ဘရိုက်တန်-နယူးကာဆယ်၊ ဝက်စ်ဟမ်း-စပါးပွဲတွေက (၁-၁)ဂိုးရလဒ်တွေနဲ့ပဲ ပွဲပြီးခဲ့ပါတယ်။

စနေနေ့ ကစားခဲ့တဲ့ ပရီးမီးယားလိဂ်ရလဒ်များ

Brentford (4-3) Man Utd

Brighton (1-1) Newcastle

West Ham (1-1) Tottenham

Chelsea - Liverpool