Update တွေဆက်ထွက်လာဖို့မရှိတော့တဲ့ Crash Team Racing: Nitro-Fueled

မြေခွေးကားမောင်းလို့ ကျွန်တော်တို့ငယ်ငယ်ကခေါ်ကြတဲ့ Crash Team Racing ရဲ့ နောက်ဆုံးထွက် ဂိမ်းတစ်ခုဖြစ်တဲ့ Crash Team Racing: Nitro-Fueled မှာတော့ Update တွေဆက်ထွက်လာဖို့မရှိတော့ပါဘူး။ ဒီသတင်းကို CTR ဂိမ်းကို Develop ပြုလုပ်နေတဲ့ Beenox ကနေပြီးတော့ Twitter ကနေသတင်းထုတ်ပြန်ထားတာဖြစ်ပါတယ်။

pic.twitter.com/6zEym6Iaj3

— Beenox (@BeenoxTeam) September 2, 2020

CTR: Nitro-Fueled ဂိမ်းကို ဇွန်လ ၂၁ ရက်၊ ၂၀၁၉ တုန်းက ထုတ်လုပ်ပေးခဲ့တာဖြစ်ပြီး Nintendo Switch၊ PS4 နဲ့ Xbox One စ တဲ့ Platform တွေမှာ တွေ့မြင်ခဲ့ရတာဖြစ်ပါတယ်။ Kart Racing ဂိမ်းတစ်မျိုးလည်းဖြစ်ပြီးတော့၊ Mario Kart နဲ့အပြိုင်ထွက်ရှိလာတဲ့ ဒီဂိမ်းဟာ လူငယ်တွေနဲ့ 90’s Born တွေအကြား အတော်ခေတ်စားတဲ့ ဂိမ်းတစ်မျိုးလည်းဖြစ်ပါတယ်။

ဘာကြောင့်အခုလိုမျိုး Update ဆက်မထွက်ရတော့တာလဲဆိုတာကို Beenox က ရှင်းပြထားပါတယ်။ Beenox အနေနဲ့ Crash Bandicoot (မြေခွေးလမ်းလျှောက်) ဂိမ်းအသစ်တစ်ခုဖြစ်တဲ့ Crash Bandicoot 4: It’s About Time ကိုပြင်ဆင်နေပြီးတော့ အခြား Project များစွာကို တာဝန်ယူနေရတာကြောင့် အခုလိုမျိုး Update တွေပေးနေတာကို ရပ်တန့်ခဲ့တာဖြစ်ပါတယ်။

မတ်လတုန်းက Update ကတော့ နောက်ဆုံး Update ဖြစ်သွားပေမယ့်လည်း Online Multiplayer တွေ၊ Leaderboards တွေ၊ Game Modes တွေ စ တဲ့ Features တွေကတော့ ဆက်လက်ရှိနေမှာပါလို့လည်း ပြောကြားသွားပါသေးတယ်။ Crash Bandicoot 4 ကိုတော့ အောက်တိုဘာ ၂ ရက်မှာ စ တင်မိတ်ဆက်ပေးသွားဖို့ရှိပြီး၊ ဒီဂိမ်းကို ပြသဖို့ကို မစောင့်နိုင်တော့ဘူးလို့လည်း Beenox ကပြောကြားထားပါတယ်။

Ref: Destructoid