မင်မင် အရင်လက Korean Noodle ကိုတော်တော်လေးစားချင်နေခဲ့တယ် ဒါပေမယ့် ဆိုင်တွေကိုသွားစားမယ်လုပ်လိုက် Bad review တွေ့လိုက်နဲ့မို့ သွားမစားဖြစ်ဘူးပေါ့နော်။ အဲ့တာနဲ့ဘဲ အသစ်ဖွင့်ထားတာ မကြာသေးတဲ့ Oppa Noodle ဆိုင်လေးကိုဘဲ try ကြည့်ဖြစ်ခဲ့တယ်။ ဆိုင်လေးကဖွင့်ထားတာတော့ ၁လ လောက်ဘဲရှိသေးတယ်။ Decoration ပိုင်းလေးတွေက နည်းနည်းလေးလိုအပ်သေးတယ်။ Menu ပိုင်းမှာတော့ တော်တော်လေးစုံတယ်။ Teppanyaki Steak ၊ Sushi ၊ Milk Shape ၊ Soft Drink‌ေတွရှိမယ်။ဆိုင်ကဝန်ထမ်းတွေကလည်း service ကောင်းတယ်။ မင်မင်တို့သွားတုန်းကမှာစားဖြစ်တာတွေကတော့...

Octopus Noodle(lvl.3)- 7000mmk

အစပ်အရသာသိချင်လို့ ဟင်းရည်ကို အရင်ဆုံးသောက်မိတယ်။ တော်တော်လေးသောက်လို့ကောင်းတယ်။ Lvl3 လောက်နဲ့တင် ပုံမှန်အစပ်စားတဲ့သူဆိုအဆင်ပြေနိုင်တယ်။ အရမ်းအစပ်ကြီးစားချင်ရင်တော့ Lvl မြင့်တာလေးမှာပေါ့နော်။ Level က အခြားသော Korean ဆိုင်တွေလိုဘဲ Lvl.7 ထိရှိတယ်။ ဟင်းရည်ကသောက်ရင်းသောက်ရင်းနဲ့ ခေါက်ဆွဲရဲ့ အချိုအရသာလေးကိုပါ ခံစားမိတယ်။ ကြက်အူချောင်း၊ ကြက်ကြောလုံး၊ ပန်းဂေါ်ဖီ ၊ ရေဘဝဲ ၊ အပ်မှို ၊ Purple Cabbage ပါမယ်။ ရေဘဝဲတွေက လတ်ဆတ်တယ် အသားထဲထိအရသာဝင်တယ်။ Portion လည်းတော်တော်လေးများတယ် ဗိုက်ပြည့်လောက်တယ်။

Spare Rib Noodle(lvl.0)- 7000mmk

Lvl.0 ကတော့ အချိုစားတဲ့သူတွေအတွက်ဘဲအဆင်ပြေလောက်တယ်။ အစပ်စားတဲ့သူတွေအတွက်ဆို ပါးစပ်ထဲ တစ်ခုခုလိုနေသလိုခံစားမိလိမ့်မယ်။ ဝက်နံရိုးက တော်တော်လေးနူးတယ်။ စားရတာအိတယ်။ တစ်ခြားသော ပါဝင်ပစ္စည်းတွေကတော့ အတူတူပါဘဲ။

မင်မင့်အမြင်ကတော့ Decoration အရလိုအပ်‌ချက်လေးတွေရှိမယ်။ Menu ပိုင်းမှာလည်း Korean Food၊ Japanese Food တွေ များများရရှိလာဖို့မျှော်လင့်တယ်။ ဈေးနှုန်းပိုင်းအရတော့ နည်းနည်းလေးများတယ်လို့ထင်တယ်။ Discount Programတွေလည်း အများကြီးရှိလာဖို့မျှော်လင့်တယ်။

Oppa (Korean Restaurant ) · No.2 Hledan 1st St, Yangon, Myanmar (Birma)
★★★☆☆ · Koreaans restaurant
Oppa (Korean Restaurant ) · No.2 Hledan 1st St, Yangon, Myanmar (Birma)