ပရီးမီးယားလိဂ်ဂိုးအများဆုံးသွင်းသူစာရင်းမှာ အဂွဲရိုးကို ကျော်ဖြတ်ပြီး အဆင့်(၅)နေရာရောက်လာတဲ့ ဆာလာ
လီဗာပူးလ်အသင်းရဲ့အီဂျစ်တိုက်စစ်မှူးဆာလာဟာ ဒီတစ်ပတ် ပရီးမီးယားလိဂ်ပွဲစဉ် လီဗာပူးလ်(၅-၁)စပါးပွဲမှာ လီဗာပူးလ်အသင်းအတွက် ပွဲချိန်(၆၃)မိနစ်မှာ အနိုင်ဂိုးတစ်ဂိုးသွင်းယူပေးခဲ့ပြီးနောက် ပရီးမီးယားလိဂ်ပြိုင်ပွဲမှာ သူ့ရဲ့သွင်းဂိုးက (၁၈၅)ဂိုးအထိ ရှိလာခဲ့ပါတယ်။
ဆာလာဟာ အရင်က မန်စီးတီးတိုက်စစ်မှူးဟောင်းအဂွဲရိုးနဲ့ သွင်းဂိုးအရေအတွက်(၁၈၄)ဂိုးစီတူညီနေတာကနေ အဂွဲရိုးရဲ့သွင်းဂိုးအရေအတွက်ကို ကျော်ဖြတ်နိုင်ခဲ့တာဖြစ်ပါတယ်။
ပရီးမီးယားလိဂ်ဂိုးသွင်းအများဆုံးကစားသမားစာရင်းမှာ ဆာလာဟာ အလန်ရှီးယား(၂၆၀ ဂိုး)၊ ဟာရီကိန်း(၂၁၃ ဂိုး)၊ ဝိန်းရွန်နီ(၂၀၈ ဂိုး)၊ အန်ဒီကိုးလ်(၁၈၇ ဂိုး)တို့နောက် အဆင့်(၅)နေရာမှာ ရပ်တည်နေပါတယ်။
ဆာလာအနေနဲ့ နောက်ထပ် ပရီးမီးယားလိဂ်(၃)ဂိုးသွင်းနိုင်ရင် အန်ဒီကိုးလ်ရဲ့မှတ်တမ်းကို ကျော်ဖြတ်နိုင်မှာဖြစ်ပေမယ့် ဂိုးသွင်းအများဆုံးကစားသမားအဖြစ် စံချိန်တင်ထားသူအလန်ရှီးယားရဲ့စံချိန်ကို ကျော်ဖြတ်နိုင်ဖို့အတွက်တော့ နောက်ထပ်သွင်းဂိုး(၇၅)ဂိုးအထိလိုအပ်နေပါသေးတယ်။
သူ့အနေနဲ့ ဒီရာသီလို တစ်ရာသီအတွင်းသွင်းဂိုး(၂၅)ဂိုးဝန်းကျင် ပုံမှန်ဂိုးသွင်းနိုင်ခဲ့မယ်ဆိုရင်တောင် နောက်ထပ်(၃)ရာသီ ဒီလိုသွင်းယူပြီးမှ ရှီးယားရဲ့စံချိန်ကို ကျော်ဖြတ်နိုင်မှာဖြစ်ပါတယ်။ ဒါကြောင့် လက်ရှိစာချုပ်သက်တမ်းနဲ့ မလုံလောက်ဘဲ စာချုပ်ကို သက်ထပ်တိုးဖို့ လိုအပ်နေပါတယ်။
မကြာသေးခင်က ချုပ်ဆိုခဲ့တဲ့ဆာလာရဲ့စာချူပ်သစ်အရ သူ့အနေနဲ့ ၂၀၂၇ နွေရာသီအထိသာ လီဗာပူးလ်အသင်းမှာ ရှိနေမှာဖြစ်ပါတယ်။
