စက်တင်ဘာလအတွက် PS Plus Free Games များ
PS Plus ကိုရယူထားတဲ့သူတွေအတွက် စက်တင်ဘာလမှာ ရရှိနိုင်မယ့် Free Games နှစ်ဂိမ်းကတော့ ထွက်ပေါ်လာခဲ့ပါပြီ။ အဲ့ဒါတွေကတော့ Playerunknowns Battlegrounds (PUBG) နဲ့ Street Fighter V တို့ပဲဖြစ်ကြပါတယ်။
PUBG ကတော့ Console မှာနာမည်သိပ်မကြီးပေမယ့် လူအတော်များများကြိုက်နှစ်သက်တဲ့ Battle Royale ဂိမ်းထဲမှာတော့ပါပါတယ်။ ဒီလိုမျိုး PS Plus ကနေ အလကားရယူခွင့်ပေးလိုက်တဲ့အတွက် PlayStation မှာကော PUBG က တစ်ခေတ်ပြန်ထလာဦးမလားဆိုတာကို ဆက်လက်စောင့်ကြည့်ရမှာဖြစ်ပါတယ်။
90’s ခေတ်လောက်ကတည်းက ရေပန်းစားခဲ့တဲ့ Street Fighter ရဲ့ Street Fighter V ဂိမ်းကိုလည်း PS Plus မှာ Free အနေနဲ့ရယူနိုင်တော့မှာဖြစ်ပါတယ်။ PC နဲ့ PS4 Cross-play ကစားနိုင်တဲ့ ဒီ Fighting ဂိမ်းဟာ Esports ဂိမ်းတစ်ခုလို့ပြောမယ်ဆိုရင်လည်းမှားမယ်တော့မထင်ပါဘူး။ Online မှာယှဥ်ပြိုင်တိုက်ခိုက်ဖို့ အဆင်သင့်ဖြစ်ပြီလား?
သြဂုတ်လအတွက် PS Plus Free Games တွေကိုတော့ အခုနောက်ဆုံးအနေနဲ့ အရယူထားသင့်ပါပြီ။ Fall Guys: Ultimate Knockout ဟာ လက်ရှိရေပန်းအစားဆုံးဂိမ်းတစ်ဂိမ်းဖြစ်ပြီး၊ မယူရသေးရင် PS Plus နဲ့အရယူထားသင့်တဲ့ ဂိမ်းကောင်းပါပဲ။ Call of Duty: Modern Warfare 2 Campaign Remastered ကလည်း Shooting ဂိမ်းကိုကြိုက်နှစ်သက်တဲ့ COD ပရိသတ်တွေ ယူထားသင့်တဲ့ဂိမ်းတစ်ခုပါ။ ဒီဂိမ်းနှစ်ဂိမ်းကိုတော့ သြဂုတ်လ ၃၁ ရက်နေ့အထိ နောက်ဆုံးထားပြီး PS Plus နဲ့ Free ရယူနိုင်မှာပါ။
Ref: PlayStation Blog
