Qualcomm က Windows PC အတွက် Snapdragon X2 Elite နဲ့ Extreme Chip အသစ်တွေကို ကြေညာလိုက်ပြီ

Qualcomm က Windows PC အတွက် Snapdragon X2 Elite နဲ့ Extreme Chip အသစ်များ ကြေညာ

Qualcomm က Windows PC တွေအတွက် ဒုတိယမျိုးဆက် Snapdragon X2 Elite နဲ့ Snapdragon X2 Elite Extreme chip အသစ်နှစ်မျိုးကို ကြေညာလိုက်ပါပြီ။ ပြီးခဲ့တဲ့နှစ်က Windows on Arm laptop တွေကို အောင်မြင်စေခဲ့ပြီး Intel နဲ့ AMD ကို စိန်ခေါ်မှုပေးခဲ့တဲ့ chip ရဲ့ နောက်ဆက်တွဲ ဖြစ်ပါတယ်။

Qualcomm က ဒီ chip တွေဟာ "Windows PC တွေအတွက် အမြန်ဆုံးနဲ့ အထိရောက်ဆုံး processor တွေ" ဖြစ်တယ်လို့ ကြေညာထားပါတယ်။ 3nm နည်းပညာနဲ့ ထုတ်လုပ်ထားတဲ့ ဒီ chip တွေက အရင် Snapdragon X Elite ထက် CPU performance ၃၁% ပိုမြန်ပြီး power သုံးစွဲမှု ၄၃% လျော့နည်းပါတယ်။ GPU performance per watt က ၂.၃ ဆ တိုးတက်လာပြီး 1.85GHz GPU အသစ် ပါဝင်ပါတယ်။

CPU ဘက်မှာ 3rd-gen Oryon CPU သုံးထားပြီး core ၁၈ ခုအထိ ပါဝင်နိုင်ပါတယ်။ Core ၁၂ ခုက 4.4GHz အထိ run နိုင်ပြီး ၂ ခုက 5GHz အထိ ရောက်နိုင်ပါတယ်။ Arm CPU တွေအတွက် 5GHz clockspeed က ပထမဆုံး ဖြစ်တယ်လို့ Qualcomm က ပြောပါတယ်။

AI task တွေအတွက် 80 TOPS Hexagon NPU အသစ် ပါဝင်ပြီး performance ၃၇% တိုးတက်လာပါတယ်။ Power consumption က ၁၆% လျော့နည်းပြီး laptop NPU တွေထဲမှာ အမြန်ဆုံးလို့ ကြေညာထားပါတယ်။ Elite Extreme model က competitor တွေထက် CPU performance ၇၅% အထိ မြန်ဆန်တယ်လို့ ဆိုပါတယ်။

Gaming အတွက် Adreno High Performance Memory လို့ခေါ်တဲ့ 18MB high speed cache အသစ် ပါဝင်လာပါတယ်။ Adobe software တွေမှာလည်း တိုးတက်မှုတွေ ရှိလာမှာဖြစ်ပြီး Photoshop မှာ photo editing ၂၈% မြန်ဆန်၊ Lightroom export ၄၃% မြန်ဆန်ပြီး Premiere video analysis မှာလည်း အလားတူ တိုးတက်မှုတွေ ရှိမှာပါ။

Razer က Synapse software ကို Windows on Snapdragon အတွက် ယူဆောင်လာမယ်လို့ ကြေညာခဲ့ပေမယ့် Snapdragon-based gaming laptop ထုတ်မယ်လို့တော့ မပြောသေးပါဘူး။ X2 Elite Extreme က 50W power အထိ test လုပ်နေတာက စိတ်ဝင်စားစရာပါ။ ပြီးခဲ့တဲ့နှစ်က Snapdragon chip တွေက thin နဲ့ light laptop တွေအတွက်ပဲ ဖြစ်ခဲ့ပေမယ့် 50W က ပိုကြီးတဲ့ PC တွေမှာလည်း သုံးနိုင်စေပါတယ်။

ဒီ chip တွေပါတဲ့ laptop တွေက ၂၀၂၆ ပထမနှစ်ဝက်မှာ ရရှိနိုင်မယ်လို့ မျှော်လင့်ရပါတယ်။ Google နဲ့ ပူးပေါင်းမယ့် Android for PC project မှာ ဒီ chip တွေ ပါဝင်မလားဆိုတာကိုတော့ မပြောသေးပါဘူး။ ဒါပေမယ့် Google က ChromeOS နဲ့ Android ပေါင်းစပ်မှုက အလားတူ အချိန်ဇယားမှာ ဖြစ်နိုင်တယ်လို့ အရိပ်အမြွက် ပြောထားပါတယ်။