Ram 12GB ပါလာမယ့် iPhone 17 Series

Digital Chat Station က Weibo မှာဖော်ပြလာပုံအရ Apple ဟာ iPhone 17 Series ရဲ့ မော်ဒယ် ၄ မျိုးလုံး (iPhone 17, 17 Pro, 17 Pro Max, 17 Air) မှာ Ram 12GB ထည့်ပေးသွားမယ်လို့ ဆိုပါတယ်။ ဘာလို့လဲဆိုတော့ Apple Intelligence ကြောင့်ပါတဲ့။ 

Apple Intelligence ရဲ့ Feature အသစ်တွေကို iPhone 17 Series မှာ သိသိသာသာဖော်ထုတ်လာမှာဖြစ်ပြီး ဒါကြောင့်ပဲ Ram များများထည့်ပေးမှာ ဖြစ်ပါတယ်။  Ram 12GB ဟာ iPhone 17 Series အတွက် 50/50 ဖြစ်နေသေးပေမဲ့လည်း နောက်နှစ်ထွက်မယ့် iPhone 18 Series မှာတော့ ထည့်သွင်းသွားဖို့ သေချာ‌သလောက်ရှိတယ်လို့ TF Securities analyst ဖြစ်တဲ့ Ming-Chi Kuo က ဆိုထားပါတယ်။ 

နောက်ပြီး iPhone 17 Pro နဲ့ Pro Max မှာ အသုံးပြုသွားမယ့် A19 Pro Chips ဟာဆိုရင် TSMC ရဲ့ 3nm နည်းပညာနဲ့ ပြုလုပ်ထားတာဖြစ်ပြီး A18 Pro ထက် Performance ပိုင်းမှာ သိသိသာသာပိုကောင်းသွားမယ့်အပြင် ပိုပြီးလည်း ထိရောက်စေမယ်လို့ ဖော်ပြထားပါတယ်။

Ram 12GB ထည့်ပေးဖို့ ကိစ္စက အတည်မပြုသေးပေမဲ့ Apple ဘက်က လာမယ့်မေလမှာ ကြေညာသွားနိုင်တယ်လို့ ခန့်မှန်းထားကြပါတယ်။ အကယ်၍သာ iPhone 17 Series မှာသာ Ram 12GB ပါဖို့ သေချာတယ်ဆိုရင်တော့ ဈေးပိုကြီးသွားနိုင်ခြေများနေပါပြီ။ အရင်ဈေးနဲ့ပဲ 8GB ကိုင်မလား ? ဈေးကြီးလည်း ရတယ် 12GB ကို ပိုကြိုက်တယ်ဆိုတဲ့သူတွေရှိမလား ?