ရေငုပ်သင်္ဘောအတွက် နျူကလီးယားအင်ဂျင်ထုတ်လုပ်ပေးမည့် Rolls-Royce
Rolls-Royce သည် ဗြိတိန်ရေတပ်အတွက် နျူကလီးယားစွမ်းအင်သုံး ရေငုပ်သင်္ဘောအင်ဂျင်များကို ဖန်တီးထုတ်လုပ်ရန်အတွက် အမေရိကန်ဒေါ်လာ ၁၁ ဘီလီယံ တန်ဖိုးရှိသည့် “Unity” စာချုပ်တစ်ခုကို လက်မှတ်ရေးထိုးခဲ့သည်။
ယခုစာချုပ်သည် အချိန်အတန်ကြာပြီဖြစ်သည့် ယခင်စာချုပ်များကို တစ်ခုတည်းအဖြစ်ပေါင်းစည်းခြင်းဖြစ်ပြီး US နှင့် Australia တို့ပါဝင်သည့် AUKUS မဟာမိတ်ကာကွယ်ရေးကို အထောက်ကူပြုမည့်အရေးကြီးသောဆောင်ရွက်မှုတစ်ရပ်လည်းဖြစ်သည်။
အဆိုပါစာချုပ်အရ Rolls-Royce သည် နျူကလီးယားအင်ဂျင်များကို ဖန်တီးထုတ်လုပ်ခြင်း၊ ပြုပြင်ထိန်းသိမ်းခြင်းတို့ကို လုပ်ဆောင်မည်ဖြစ်ပြီးဗြိတိန်ရေတပ်၏စွမ်းရည်ကို တိုးမြှင့်ပေးမည်ဖြစ်သည်။ထို့ပြင် ဤစာချုပ်သည် BAE Systems မှ တာဝန်ယူဆောက်လုပ်နေသော Dreadnought-class နျူကလီးယားရေငုပ်သင်္ဘောသစ်များအတွက် အင်ဂျင်ထုတ်လုပ်ရေးအတွက်လည်း အရေးပါသည်။
ဗြိတိန်အစိုးရကပြောကြားသည်မှာ "ယခင်တွင်ခွဲခြားပြီး ချုပ်ဆိုထားသော စာချုပ်များကို “Unity” ဟုခေါ်သော စနစ်တစ်ခုအဖြစ် ပေါင်းစည်းခြင်းသည် အခွန်ပေးသူများအတွက် ဒေါ်လာ ၅၀၀ သန်းကျော်ကို လျှော့ချပေးနိုင်မည်ဟုဆိုသည်"စာချုပ်အသစ်သည် ဝန်ထမ်းအသစ် ၁,၀၀၀ ခန့်ကိုအလုပ်ဖန်တီးပေးနိုင်မည့်အပြင် Rolls-Royce တွင်လက်ရှိ ရှိသော ၄,၀၀၀ ကျော်သောအလုပ်အကိုင်များကိုလည်း ထိန်းသိမ်းနိုင်မည်ဖြစ်သည်။
