ရီးရဲလ်မက်ဒရစ်အသင်းဆိုတာ ဘရာဇီးလ်ကစားသမားတွေကို သွင်းကုန်တစ်ခုတင်သွင်းသလို စပိန်မြေကို စဉ်ဆက်မပြတ်ခေါ်ယူတတ်တဲ့အသင်းဖြစ်ပါတယ်။

ရီးရဲလ်မက်ဒရစ်အသင်းမှာ ကျော်ကြားခဲ့တဲ့ဘရာဇီးလ်ကစားသမားတွေကို ပြန်စာရင်းကောက်မယ်ဆိုရင် ကစားသမားပေါင်းများစွာကို တွေ့ရပါလိမ့်မယ်။

ရော်နယ်ဒို(ဒိုကြီး)၊ ကာကာ၊ ကက်စီမီရို၊ ရော်ဘင်ညို၊ ရော်ဘတ်တိုကားလို့စ်၊ မာဆယ်လို၊ ဘတ်တစ္စတာ၊ ဖာဘင်ညို၊ ဒန်နီလို အစရှိသဖြင့် မနည်းမနောပါပဲ။

လက်ရှိမှာလည်း ဘရာဇီးလ်ကစားသမားတွေဖြစ်တဲ့
ဗင်နီစီယပ်စ်၊ ရိုဒရီဂို၊ အန်းဒရစ်၊ မီလီတာအို အစရှိသူတို့က ရဲလ်မက်ဒရစ်အသင်းအတွက် ကစားပေးနေကြပါတယ်။

ဒီဘရာဇီးလ်ကစားသမားတွေထဲမှာ ဘယ်က
စားသမားက ရီးရဲလ်မက်ဒရစ်အသင်းအတွက် အကောင်းဆုံးကစားသူဖြစ်မလဲဆိုတဲ့မေးခွန်းအတွက်တော့ ဝိဝါဒကွဲပြားစရာရှိပါတယ်။

တိုက်စစ်၊ ကွင်းလယ်၊ နောက်တန်း သူ့နေရာနဲ့သူ စွမ်းဆောင်ပုံချင်းကွဲပြားတာကြောင့် အကောင်းဆုံးကစားသမားကို ရွေးချယ်ဖို့ခက်ခဲတယ်ဆိုပေမယ့် ပရိသတ်အများစုကတော့ ဖီဖာကမ္ဘာ့အကောင်းဆုံးကစားသမားဆု(FIFA World Player of the Year)ကို (၃)ကြိမ်တိုင်ရထားတဲ့ ဘရာဇီးလ်တိုက်စစ်မှူးရော်နယ်ဒို(ဒိုကြီး)ကို ရီးရဲလ်မက်ဒရစ်အသင်းရဲ့အကောင်းဆုံးဘရာဇီးလ်ကစားသမားအဖြစ် သတ်မှတ်ကြပါတယ်။

ရော်နယ်ဒိုဟာ ရီးရဲလ်မက်ဒရစ်အသင်းမှာ ၂၀၀၂-၀၃ ရာသီကနေ ၂၀၀၆-၀၇ ရာသီအထိ ကစားခဲ့ပြီး အသင်းအတွက် ပြိုင်ပွဲစုံ(၁၇၇)ပွဲကစားရာမှာ (၁၀၃)ဂိုးသွင်းပေးထားပါတယ်။

လက်ရှိမှာ ရော်နယ်ဒိုရဲ့ ရီးရဲလ်မက်ဒရစ်သွင်းဂိုးအရေအတွက်ကို လိုက်မီလာသူကတော့ တိုက်စစ်မှူးဗင်နီစီယပ်စ်ဖြစ်ပါတယ်။ ဗင်နီစီယပ်စ်ဟာ ဒီတစ်ပတ်လာလီဂါပွဲစဉ် ရီးရဲလ်မက်ဒရစ်(၂-၁)ဗယ်လက်ကာနိုပွဲမှာ ဂိုးသွင်းပြီးနောက် ရီးရဲလ်မက်ဒရစ်အသင်းအတွက် ပြိုင်ပွဲစုံသွင်းဂိုး(၁၀၃)ဂိုးအထိရှိလာခဲ့တာပါ။

ပြီးခဲ့တဲ့ ၂၀၂၄ ခုနှစ်အတွက် ဖီဖာရဲ့ ကမ္ဘာ့အကောင်းဆုံးကစားသမားဆု(The Best FIFA Men's Player)ရရှိထားသူ ဗင်နီစီယပ်စ်အနေနဲ့ မကြာခင်အချိန်အတွင်း ရီးရဲလ်မက်ဒရစ်အသင်းမှာ ရော်နယ်ဒိုရဲ့သွင်းဂိုးအရေအတွက်ကို ကျော်ဖြတ်နိုင်တော့မှာဖြစ်ပြီး ဒီအသင်းရဲ့ ဂိုးသွင်းအများဆုံးဘရာဇီးလ်ကစားသမားဆိုတဲ့မှတ်တမ်းကို ပိုင်ဆိုင်နိုင်တော့မှာပါ။

လက်ရှိမှာ အသက်(၂၄)နှစ်သာရှိသေးတာကြောင့် ဗင်နီစီယပ်စ်မှာ တောက်ပတဲ့အနာဂတ်ရှိနေပြီး သူ့ရဲ့နောက်ထပ်သွင်းဂိုးများစွာကို ထပ်မြင်တွေ့ရမှာမလွဲဧကန်ပါပဲ။ ဒါကြောင့် ရီးရဲလ်မက်ဒရစ်အသင်းသမိုင်းတစ်လျှောက်
အကောင်းဆုံးဘရာဇီးလ်ကစားသမားဆိုတဲ့ ဂုဏ်ပုဒ်ကို ရော်နယ်ဒိုဆီကနေ ဗင်နီစီယပ်စ်လွှဲပြောင်းရယူနိုင်မလားဆိုတာ ....