Nintendo Switch အတွက်ထုတ်လုပ်မယ့်အချိန်ကို ၂၀၂၁ ထိနောက်ဆုတ်လိုက်တဲ့ Sky: Children Of The Light
Apple ရဲ့ iPhone မှာ Game of the year 2019 ကိုရရှိဖူးတဲ့ Sky: Children Of The Light ဟာ Nintendo Switch Console အတွက် ထုတ်လုပ်ဖို့ရက်ကိုတော့ ရွှေ့ဆိုင်းလိုက်ရပါတယ်။ Indie Adventure Game ဖြစ်ပြီး Thatgamecompany ကနေ Develop ပြုလုပ်ထားတဲ့ ဒီဂိမ်းဟာ ၂၀၁၉ ဇူလိုင်လမှာ iOS မှာ စ တင်ထုတ်လုပ်ပေးခဲ့ပြီးတော့၊ Android အတွက်ကိုတော့ ၂၀၂၀ ဧပြီလမှာ ထုတ်လုပ်ပေးနိုင်ခဲ့ပါတယ်။
App Store မှာ သန်း ၂၀ ကျော် Download ပြုလုပ်တဲ့အထိ အောင်မြင်မှုတွေရရှိခဲ့တဲ့ ဒီဂိမ်းဟာ Nintendo Switch အတွက် ၂၀၂၀ အတွင်းထုတ်လုပ်ပေးဖို့ ကြိုးစားခဲ့ပေမယ့်လည်း COVID-19 အခြေအနေတွေကြောင့် ၂၀၂၁ အထိ နောက်ရွှေ့လိုက်ရပါတယ်။
Indie Game Studio တစ်ခုဖြစ်တဲ့ Thatgamecompany ဟာ iOS နဲ့ Android အတွက် မရရအောင် ထုတ်လုပ်ပေးနိုင်ခဲ့ပေမယ့်လည်း၊ Work From Home ကိစ္စတွေကြောင့် Nintendo Switch အတွက်ကို ဆက်လက်ထုတ်ပေးနိုင်ဖို့အဆင်မပြေဖြစ်ခဲ့ရပါတယ်။ ဒီအတွက်လည်း အားပေးနေတဲ့ Gamer တွေကို သတင်းကြေညာချက်ကနေ တောင်းပန်ထားပါတယ်။
Review တွေလည်းကောင်းပြီး၊ ရှုခင်းလှလှလေးတွေကြားမှာ ပျံသန်းသွားနေရမယ့် ဒီ Adventure ဂိမ်းလေးတွေကို ဆော့ကစားချင်တယ်ဆိုရင်တော့ လက်ရှိအချိန်မှာ iOS နဲ့ Android မှာပဲ ဆော့ကစားနိုင်ဦးမှာဖြစ်ပါတယ်။ စိတ်မကောင်းပါဘူး Nintendo Switch ပိုင်ရှင်တို့ရေ။
