Snapdragon 8s Gen 4 , 6000mAh Battery ပါလာမယ့် Xiaomi Civi 5 Pro

ဒီမှာက Civi ဖန်တွေ တော်တော်များတယ်လို့ ပြောရမယ်ထင်တယ်။ ဒီနှစ်အတွက် Xiaomi Civi မော်ဒယ်အသစ်ကို မကြာခင်မိတ်ဆက်သွားဖို့ ကြေညာလာပါပြီ။ Xiaomi Civi 5 Pro ဖြစ်ပြီး ပါလာမယ့် Spec: အချို့နဲ့ ဒီဇိုင်းကိုလည်း Xiaomi ဘက်က အတည်ပြုပြီးပါပြီ။ 

Civi 5 Pro မှာတော့ Snapdragon 8s Gen 4 SOC ကို သုံးထားပါမယ်။ 6000mAh Battery ပါရှိမှာဖြစ်ပြီး Charging ပိုင်းကိုတော့ 67W ပဲ ဖြစ်ဖို့များပါတယ်။ 7.45mm အထူဖြစ်ပြီး Screen Size 6.55” ရှိပါမယ်။ အရောင် ၄ ရောင်ရွေးချယ်နိုင်ပါမယ်။ 

ကင်မရာပိုင်းမှာတော့ Leica နဲ့ collab လုပ်ထားပြီး Triple Camera Set up ဖြစ်ပါမယ်။ 50MP telephoto sensor ပါလာမယ်လို့တော့ leak တွေ ထွက်ထားပါတယ်။ Selfie ကိုလည်း 50MP တပ်ဆင်ထားပြီး ထွက်ပြီးခဲ့သမျှ Civi Series အနက် အကောင်းဆုံးဖြစ်မယ်လို့ ဆိုထားပါတယ်။ 

မကြာခင်မိတ်ဆက်သွားမယ်ဆိုပေမဲ့ ရက်အတိအကျကိုတော့ မကြေညာသေးပါဘူး။ မနှစ်က Civi 4 Pro ကို မတ်လလောက်က မိတ်ဆက်ခဲ့တာဆိုတော့ ဒီနှစ်အတွက် Civi 5 Pro က နည်းနည်းနောက်ကျတယ်လို့တောင် ပြောရပါမယ်။