Honor ကုမ္ပဏီက မိတ်ဆက်ခဲ့တဲ့ Robot Phone က လက်ရှိမှာ concept အဆင့်သာ ရှိသေးပြီး CGI နည်းပညာနဲ့ ပြသထားတာ ဖြစ်ပါတယ်။ အလုပ်လုပ်နိုင်တဲ့ hardware မရှိသေးတဲ့အတွက် သူ့ရဲ့ အထူးခြားဆုံး feature ဖြစ်တဲ့ robotic gimbal-mounted ကင်မရာဟာ လက်တွေ့အသုံးပြုမှု၊ ခံနိုင်ရည်နဲ့ ယုံကြည်စိတ်ချရမှုတို့အတွက် စမ်းသပ် မခံရသေးပါဘူး။

Honor က teaser ဗီဒီယိုနဲ့ CGI ပုံတွေကိုပဲ ထုတ်ပြန်ထားပြီး reviewer တွေလက်ထဲ ရုပ်ပိုင်းဆိုင်ရာ prototype မရောက်သေးပါဘူး။ ဒါကြောင့် သရုပ်ပြချက်အားလုံးဟာ MWC 2026 မှာ တကယ့်စက် ထုတ်လုပ်မယ်ဆိုမှ သီအိုရီအဆင့်ကနေ ကျော်လွန်နိုင်မှာ ဖြစ်ပါတယ်။

ဖုန်းရဲ့ အဓိက feature ဖြစ်တဲ့ ခေါက်ထွက်လာနိုင်တဲ့ AI-enabled ကင်မရာလက်တံက motor တွေနဲ့ hinge တွေ ထည့်သွင်းဖို့ နောက်ဘက်မှာ သိသိသာသာ ထူတဲ့ "bump" လိုအပ်ပါတယ်။ taser ပြသွားတဲ့ video မှာတော့ camera bump က ထင်သလောက်ထူမနေတာနဲ့ ထွက်လာတဲ့ robotic gimbal-mounted က ထင်ထားတာထက်ပိုကြီးနေတောတွေ့ရမှာပါ။ ဒီအပိုထူမှုက လက်ထဲမှာကိုင်ရတာနဲ့ အိတ်ကပ်ထဲ ထည့်ရတာ အဆင်မပြေနိုင်သလို၊ အကြိမ်ကြိမ် ခေါက်လိုက်ဖြန့်လိုက်လုပ်တာကြောင့်ကြောင့် hinge ပွန်းပဲ့တာ၊ ဖုန်မှုန့်ဝင်တာ ဒါမှမဟုတ် motor ပျက်စီးတာတွေ ဖြစ်နိုင်ပါတယ်။

Smartphone ကို လှုပ်ရှားလို့ရတဲ့အစိတ်အပိုင်းတွေပါတဲ့ "robot" တစ်လုံးအဖြစ် ပြောင်းလဲတာက သမားရိုးကျ ကင်မရာပါတဲ့ စက်တွေထက် ပျက်စီးနိုင်တဲ့ အချက်တွေ များစွာ ပိုပါလာစေပါတယ်။ Gimbal စက်က ထိခိုက်မှု ဒါမှမဟုတ် ပြုတ်ကျမှုကို ဘယ်လောက် ခံနိုင်ရည်ရှိမလဲ၊ motor အရွေ့အပြောင်းက ဘက်ထရီသက်တမ်းကို ဘယ်လို သက်ရောက်မလဲ၊ software ထိန်းချုပ်မှုက လုပ်ဆောင်နေတုန်းမှာ ချို့ယွင်းမှုတွေ မဖြစ်အောင် လုံလောက်စွာ ခိုင်မာရဲ့လား ဆိုတဲ့ မေးခွန်းတွေ ရှိနေပါတယ်။

လေ့လာသူတွေက Robot Phone ရဲ့ ဒီဇိုင်းဟာ ရှိပြီးသား ဒီဇိုင်းတွေနဲ့ ဆင်တူနေတာကို သတိပြုမိကြပါတယ်။ အလုံးစုံပုံသဏ္ဍာန်နဲ့ teaser စာသားတွေက iPhone 17 Pro ရဲ့ ဒီဇိုင်းနဲ့ ဆင်တူနေပြီး၊ "Alpha" အမှတ်တံဆိပ်နဲ့ ကင်မရာ module ပုံစံက Sony ရဲ့ Alpha ကင်မရာ lineup ကို သတိရစေပါတယ်။


အဓိက specification တွေဖြစ်တဲ့ processor၊ ဘက်ထရီပမာဏ၊ network band တွေ၊ software optimization တွေအကြောင်း အသေးစိတ်အချက်အလက်တွေ မရှိသေးပါဘူး။ Hands-on review တွေ သို့မဟုတ် benchmark တွေ မရှိဘဲ ဓာတ်ပုံ/ဗီဒီယို အရည်အသွေး၊ AI framing အကူအညီနဲ့ ကြယ်ခြေရာခံ တိကျမှု၊ အပူစီမံခန့်ခွဲမှုနဲ့ ဘက်ထရီခံနိုင်ရည်လို နယ်ပယ်တွေမှာ စွမ်းဆောင်ရည်ကို အကဲဖြတ်လို့ မရသေးပါဘူး။

Honor က အလုပ်လုပ်နိုင်တဲ့ prototype မထုတ်မချင်း Robot Phone ရဲ့ ကြော်ငြာထားတဲ့ "emotional companion" လုပ်ဆောင်ချက်၊ စက်ပိုင်းဆိုင်ရာ တီထွင်မှုနဲ့ အသုံးပြုသူအကျိုးခံစားခွင့်တွေဟာ ခန့်မှန်းချက်တွေသာ ဖြစ်နေဆဲပါ။ MWC 2026 မှာ ပြသမယ့် တကယ့် hardware၊ စွမ်းဆောင်ရည် data နဲ့ ရေရှည်ယုံကြည်စိတ်ချရမှု အချက်အလက်တွေကို စောင့်ကြည့်ရမှာဖြစ်ပါတယ်။