ဥရောပမှာအဆင်မပြေပေမဲ့ ဆော်ဒီမှာတော့အဆင်ပြေတယ်

Tesla သည်၎င်း​၏ကားများကို ၂၀၂၅ ခုနှစ် ဧပြီလ တွင်ဆော်ဒီအာရေးဗျနိုင်ငံတွင် တရားဝင်စတင်မိတ်ဆက်ခဲ့ပြီး Riyadh မြို့တွင်ပထမဆုံး Showroom နှင့် Service Center ကိုဖွင့်လှစ်ခဲ့သည်။

အဆိုပါစင်တာတွင် Model 3၊ Model Y နဲ့ Cybertruck မော်တော်ယာဉ်များကိုရရှိနိုင်ပြီး မကြာမီတွင် Jeddah,နှင့် Dammam မြို့များတွင်လည်းယာယီ Pop-up စတိုးဆိုင်များဖွင့်လှစ်မည်ဖြစ်သည်။

မိတ်ဆက်ပွဲအခမ်းအနားတွင် Tesla က မော်တော်ယာဉ်များနှင့် နည်းပညာသစ်ဖြစ်သည့် မောင်းသူမဲ့အလိုလျှောက် Cybercab နှင့် လူသားဆန်သောစက်ရုပ်ဖြစ်သည့် Optimus တို့ကိုပါပြသခဲ့သည်။

ဆော်ဒီအာရေးဗျမှာ လျှပ်စစ်ကားများအတွက် အားသွင်းစက်ကိရိယာများနည်းနေသလို၊ အလွန်ပြင်းထန်သောအပူချိန်ကြောင့် ဘက်ထရီစွမ်းဆောင်ရည်ထိခိုက်နိုင်ခြင်းကဲ့သို့သော စိန်ခေါ်မှုများရှိနေသော်လည်း Tesla သည် အရေးကြီးမြို့များတွင် Supercharger အားသွင်းစခန်းများဖွံ့ဖြိုးရေးလုပ်ဆောင်သွားမည်ဖြစ်သည်။

ထို့အပြင် စွမ်းအင်တည်တံ့မှုအတွက် အစိုးရလည်း အားသွင်းကွန်ယက်ဖွံ့ဖြိုးရေးအပေါ် အာရုံစိုက်လျှက်ရှိသည်။