WiFi အတွက်ဂြိုလ်တုနည်းပညာအသုံးပြုမည့် Scotland ရထားလိုင်း
ScotRail ရထားလိုင်းသည်ရထားပေါ်တွင် ခရီးသည်များ wi-fi အသုံးပြုနိုင်ရန်အတွက် Elon Musk ၏ ဂြိုလ်တုနည်းပညာကို အသုံးပြုမည်ဖြစ်သည်။စကော့တလန်မြောက်ပိုင်းရှိ ရထားခြောက်စင်းကို ကမ္ဘာမြေပြင်နှင့်နီးကပ်သောပတ်လမ်း (Leo) ကွန်ရက်ပေါ်ရှိ Starlink နှင့် ချိတ်ဆက်ရန်အတွက်လိုအပ်သောစက်ကိရိယာများကိုတပ်ဆင်အသုံးပြုရန်ပြင်ဆင်နေသည်။
ScotRail ၏အဆိုပါ လုပ်ဆောင်ချက်သည်ဗြိတိန်အတွက်ပထမဆုံးဖြစ်ပြီး အောင်မြင်ပါက ScotRail ရှိရထားများအားလုံးတွင်ဆက်လက်အသုံးပြုနိုင်ရန်ဆောင်ရွက်သွားမည်ဟုဆိုထားသည်။
၎င်းသည် အနောက်ဘက်ကုန်းမြင့်၊ Stranraer၊ Dumfries နှင့်အခြားသောအစွန်အဖျားဒေသများ အပါအဝင် ကျေးလက်ဒေသများအထိကျယ်ပြန်သွားမည်ဖြစ်သည်။ScotRail ကရထားအသစ်များဝယ်ယူရာတွင်လည်းနည်းပညာပြည့်စုံမှုကိုအထူးအလေးပေးသွားမည်ဖြစ်ကြောင်း ပြောကြားခဲ့သည်။
စီးပွားရေးဝန်ကြီး Richard Lochhead ကယုံကြည်စိတ်ချရသော အင်တာနက် ချိတ်ဆက်မှုများသည် ခရီးသည်များ၏ ခရီးစဉ်ကိုပိုမိုပျော်ရွှင်စေလိမ့်မည်ဟု ပြောကြားခဲ့သည်။
ScotRail မဟာဗျူဟာနှင့်စီမံကိန်းဒါရိုက်တာ Scott Prentice က "ဒီပရောဂျက်ဟာ ဒေသတွင်း ရထားချိတ်ဆက်မှုအတွက် စိန်ခေါ်မှုများကို ဖြေရှင်းပေးပြီး ဒါဟာစကော့တလန်မှာရှိတဲ့ တခြားကျေးလက်ဒေသများအထိကျယ်ပြန့်သော networkတစ်ခု"ဖြစ်လာလိမ့်မည်ဟုလဲမှတ်ချက်ပေးထားသည်။
