Windows 11 ရဲ့ Market Share ဟာ ပြီးခဲ့တဲ့လမှာ အနည်းငယ် ကျဆင်းခဲ့ပေမယ့် Windows 10 ထက်တော့ User အရေအတွက် ပိုများနေဆဲ ဖြစ်ပါတယ်။ StatCounter ရဲ့ အချက်အလက်အရ Windows 11 က 36.2% ကနေ 35.6% ကို ကျဆင်းသွားပြီး Windows 10 က 32.8% မှာ ရှိနေပါတယ်။

 Windows 11 User ကျဆင်းရတဲ့ အဓိက အကြောင်းရင်းက Hardware Requirements တင်းကြပ်လွန်းလို့ပါ။ TPM 2.0 နဲ့ Secure Boot လိုအပ်ချက်တွေကြောင့် PC အဟောင်းတွေ Upgrade မလုပ်နိုင်ကြပါဘူး။ ဒါ့အပြင် Start Menu နဲ့ Taskbar အပြောင်းအလဲတွေကို User တွေ မကြိုက်ကြသလို Professional Software တချို့နဲ့ Compatibility Issues ရှိနေပြီး Gaming Performance လည်း တချို့ Game တွေမှာ ပိုနှေးနေပါသေးတယ်။

 Windows 10 User တွေကတော့ သူတို့ အသုံးပြုနေကျ Interface နဲ့ အဆင်ပြေနေလို့ ပြောင်းဖို့ အလျင်မလိုကြပါဘူး။ System က Stable ဖြစ်ပြီး Bug နည်းတာကြောင့် အလုပ်လုပ်ရ အဆင်ပြေနေကြပါတယ်။ Corporate User တွေကလည်း Company Policy ကြောင့်ရော၊ Windows 11 မှာ Must-have Feature မရှိလို့ပါ Upgrade မလုပ်ကြသေးပါဘူး။

 Microsoft အတွက် စိန်ခေါ်မှုက Windows 10 Support ကို 2025 October မှာ ရပ်တော့မှာ ဖြစ်ပေမယ့် User အများစုက ပြောင်းဖို့ အဆင်သင့် မဖြစ်ကြသေးပါဘူး။ Hardware Upgrade လုပ်ဖို့ Cost များတာရယ်၊ Enterprise Customer တွေမှာ Migration Plan မရှိသေးတာရယ်ကြောင့် အခက်အခဲ ရှိနေပါတယ်။

 အနာဂတ်မှာတော့ 2025 Support End Date နီးလာတာနဲ့အမျှ Windows 11 Adoption တိုးလာမယ်လို့ မျှော်လင့်ရပါတယ်။ New PC Sales နဲ့အတူ Windows 11 User တွေ တိုးလာမှာ သေချာပြီး AI Features တွေဖြစ်တဲ့ Copilot စတာတွေကြောင့်လည်း User တွေ စိတ်ဝင်စားလာနိုင်ပါတယ်။

 User တွေအနေနဲ့ PC အသစ်ဝယ်မယ်ဆိုရင် Windows 11 Ready Model ဝယ်သင့်ပြီး လက်ရှိ PC က Compatible ဆိုရင် Free Upgrade ရနိုင်တုန်း လုပ်ထားသင့်ပါတယ်။ 2025 မတိုင်ခင် Migration Plan စဉ်းစားထားဖို့နဲ့ Critical Software တွေ Windows 11 Support ရှိမရှိ စစ်ဆေးထားဖို့လည်း အရေးကြီးပါတယ်။

 #AkhayarTech #Windows11 #Windows10 #Microsoft #OperatingSystem #TechNews #PCUpgrade