Wireless စွမ်းအင်ပေးပို့မှုစမ်းသပ်အောင်မြင်ခဲ့သည့် အမေရိကန်

အမေရိကန်၏ ကာကွယ်ရေးနည်းပညာဖွံ့ဖြိုးတိုးတက်ရေးအေဂျင်စီ (DARPA) သည်မကြာသေးမီက ကြားခံပစ္စည်းမပါသည့် စွမ်းအင်ပေးပို့ခြင်းနည်းပညာကိုအောင်မြင်စွာ စမ်းသပ်နိုင်ခဲ့သည်။

၂၀၂၅ ခုနှစ် ဇွန်လက DARPA ၏ POWER ပရိုဂရမ်တစ်ခုကို နယူးမက်ဆီကိုပြည်နယ်တွင် စမ်းသပ်မှုတစ်ခုအောင်မြင်စွာပြုလုပ်ခဲ့သည်။ စမ်းသပ်မှုအတွက် လေဆာတန်းကို အသုံးပြုပြီး ၅.၃ မိုင် (ကီလိုမီတာ ၈.၆) အကွာမှ watts 800 ကျော်သည့်လျှပ်စစ်ဓာတ်အားကို အောင်မြင်စွာပေးပို့နိုင်ခဲ့သည်။

အဆိုပါ စမ်းသပ်မှုသည် စက္ကန့် ၃၀ ကြာမြင့်ခဲ့ပြီးစုစုပေါင်း 1 megajoule စွမ်းအင်ပေးပို့နိုင်ခဲ့သည်။ ယခင်မှတ်တမ်းတွင် watts 230 ကို မိုင်အားဖြင့် ၁.၇ (ကီလိုမီတာ ၂.၇) အကွာမှပေးပို့နိုင်ခဲ့ပြီး ယခုစမ်းသပ်မှုသည် ယခင်စမ်းသပ်မှုထပ်များစွာတိုးတက်လာကြောင်းသိရသည်။

ဤနည်းပညာအောင်မြင်မှုသည် မကြာသေးမည့်အနာဂတ်တွင် ဝေဟင်ထဲပျံသန်းနေသည့် ဒရုန်းများကို တိုက်ရိုက် စွမ်းအင်ထောက်ပံ့နိုင်စေခြင်း သို့မဟုတ် စစ်ရေးအရ အရေးပေါ်ဒေသများကိုလိုအပ်သည့်အချိန်တွင် စွမ်းအင်ကို အလွယ်တကူပေးပို့နိုင်ခြင်းစသည့် နယ်ပယ်များတွင် အသုံးဝင်လာမည့်အခြေခံနည်းပညာလည်းဖြစ်လာနိုင်သည်။