ဝယ်ထားတာ ၁ ပတ်ပဲရှိသေးတဲ့ iPhone 13 ပေါက်ကွဲမှု

ဒီသတင်းက Instagram မှာ ဓါတ်ပုံတွေတွေ့လာလို့ ဖော်ပြချင်လို့ပါ။ ဖြစ်တာက ပြီးခဲ့တဲ့ အပတ်လောက်ကပါ။ 

ဒီအဖြစ်အပျက်က ပြီးခဲ့တဲ့ ဧပြီ 26 တုန်းက အိန္ဒိယနိုင်ငံ UTTAR PRADESh ခရိုင် Alugarh ဒေသမှာ ဖြစ်ခဲ့တာပါ။ အမျိုးသားတစ်ဦးရဲ့ iPhone 13 က သူ့ဘောင်းဘီအိတ်ထဲထည့်ထားရင်းကနေ ရုတ်တရတ်ပေါက်ကွဲခဲ့တာပါ။ ဖြစ်ဖြစ်ချင်း မီးလောင်ဒဏ်ရာအချို့ရခဲ့တဲ့အပြင် ဒဏ်ရာကပြင်းထန်တာမို့ နီးစပ်ရာဆေးရုံမှာ ကုသမှုခံယူခဲ့ရတယ်လို့ ဆိုပါတယ်။ 

ပေါက်ကွဲခဲ့တဲ့ iPhone 13 က ဝယ်ယူတာ ၁ ပတ်ပဲရှိသေးတဲ့ အသစ်စက်စက်ဖုန်းဖြစ်တယ်လို့လည်း ဆိုပါတယ်။ လောလောဆယ််တော့ ပေါက်ကွဲရတဲ့ အကြောင်းအရင်းကိုတော့ အခုထိ သေသေချာချာမသိရသေးဘူလို့ပဲ ပြောရမှာပါ။ လက်ရှိမှာ သက်ဆိုင်ရာက စုံစမ်းစစ်ဆေးမှုအချို့လုပ်နေပေမဲ့ Apple ဘက်ကတော့ ဘာမှထုတ်ပြန်ချက်မရှိသေးပါဘူး။