Xiaomi ရော Apple လမ်းစဉ်လိုက်မှာလား

Xiaomi အနေနဲ့ HyperOS 3 ကို Apple ရဲ့ iOS 26 လိုမျိုး နာမည်အသစ်နဲ့ တွေ့ရတော့မယ့်ပုံပါပဲ။ ဒီသတင်းက WWDC2025 မကျင်းပမှီ ရက်ပိုင်းအလိုက ထွက်ထားတာပါ။ 

Weibo က သတင်းတွေအရ Xiaomi ကလည်း Android 16 အခြေခံထားတဲ့ HyperOS အသစ်ကို နာမည်အသစ် ဒါမှမဟုတ် နံပါတ်အသစ်နဲ့ မိတ်ဆက်ဖို့ စီစဉ်နေတယ်လို့ ဆိုပါတယ်။ တိုက်ဆိုင်မှုလို့ဆိုရမှာလား iOS 26 လိုမျိုး HyperOS 26 ဆိုတာမျိုး တွေ့ရနိုင်တယ်လို့ ခန့်မှန်းနေကြပါတယ်။ ပြက္ခဒိန်အလိုက် OS နာမည်ပေးကြေးဆိုရင်တော့ တစ်မျိုးပေါ့လေ။ 

Xiaomi က သူတို့ရဲ့ OS အသစ်ဖြစ်တဲ့ HyperOS 3 ကို မိတ်ဆက်မယ်ဆိုရင်တော့ အောက်တိုဘာ ဒါမှမဟုတ် နိုဝင်ဘာလလောက်ဖြစ်ပါမယ်။ လိုတော့လိုသေးတာမို့ ဒီသတင်းက မှန်နိုင်ခြေ အရမ်းနည်းပါတယ်။

နောက်ပြီး HyperOS က အနေနဲ့ ထွက်ရှိထားတာလည်း ၂ နှစ်တောင်မပြည့်သေးတဲ့ အခြေအနေမို့ HyperOS 26 ဖြစ်ဖို့က သိပ်မသေချာနိုင်ပါဘူး။ အပြောင်းအလဲတွေကတော့ ရှိမှာမို့ ဒီလတွေထဲ Leak အသစ်တွေသာ ဆက်စောင့်ကြည့်ရမှာပါပဲ...